കൊവിഡ് 19: മലപ്പുറം ജില്ലയില് 522 പേര്ക്ക് കൂടി രോഗമുക്തി; 406 പേര്ക്ക് രോഗബാധ
ജില്ലയില് 61,339 പേരാണ് ഇപ്പോള് നിരീക്ഷണത്തില് കഴിയുന്നത്. 4,838 പേര് വിവിധ ചികിത്സാ കേന്ദ്രങ്ങളിലായി നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 472 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 123 പേരും 145 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ശേഷിക്കുന്നവര് വീടുകളിലും മറ്റുമായി നിരീക്ഷണത്തില് കഴിയുകയാണ്. ഇതുവരെയായി ജില്ലയില് 487 പേരാണ് കോവിഡ് ബാധിതരായി മരണപ്പെട്ടിട്ടുള്ളത്.
വിദ്യാഭ്യാസ സ്ഥാപനങ്ങളില് ആരോഗ്യ ജാഗ്രത ഉറപ്പാക്കണം. കോളജുകളുള്പ്പടെ വിദ്യാഭ്യാസ സ്ഥാപനങ്ങള് ഭാഗികമായി തുറന്ന് പ്രവര്ത്തിക്കുന്ന സാഹചര്യത്തില് സാമൂഹിക അകലമുള്പ്പടെ ആരോഗ്യ വകുപ്പിന്റെ നിര്ദേശങ്ങള് കൃത്യമായി പാലിക്കണം. നിര്ബന്ധമായും മാസ്ക് ധരിക്കുകയും മറ്റ് ജാഗ്രതാ നിര്ദേശങ്ങള് പാലിക്കുകയും വേണം. ഏതെങ്കിലും വിധത്തിലുള്ള ആരോഗ്യ പ്രശ്നങ്ങളുണ്ടായാല് നേരിട്ട് ആശുപത്രികളില് പോകാതെ അടുത്തുള്ള ആരോഗ്യ കേന്ദ്രം, ജില്ലാതല കണ്ട്രോള് സെല്, ആരോഗ്യ പ്രവര്ത്തകര് എന്നിവരുമായി ഫോണില് ബന്ധപ്പെട്ട് ലഭിക്കുന്ന നിര്ദേശങ്ങള് പൂര്ണമായും പാലിക്കേണ്ടതാണ്. ജില്ലാതല കണ്ട്രോള് സെല് നമ്പറുകള്: 0483 2737858, 2737857, 2733251, 2733252, 2733253.