കൊവിഡ് 19: മലപ്പുറം ജില്ലയില് 565 പേര്ക്ക് രോഗബാധ; 709 പേര്ക്ക് രോഗമുക്തി
ജില്ലയിലിപ്പോള് 74,883 പേരാണ് നിരീക്ഷണത്തില് കഴിയുന്നത്. 5,305 പേര് വിവിധ ചികിത്സാ കേന്ദ്രങ്ങളില് നിരീക്ഷണത്തിലുണ്ട്. കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 532 പേരും വിവിധ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 201 പേരും 166 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. ബാക്കിയുള്ളവര് വീടുകളിലും മറ്റ് കോവിഡ് കെയര് സെന്ററുകളിലുമായി നിരീക്ഷണത്തില് കഴിയുന്നു. ഇതുവരെ 446 പേരാണ് കോവിഡ് ബാധിതരായി ജില്ലയില് മരണമടഞ്ഞത്.
കൊവിഡ് ജാഗ്രതാ നിര്ദ്ദേശങ്ങള് കര്ശനമായി പാലിക്കണം
കൊവിഡ് 19 വ്യാപനത്തിനുള്ള സാധ്യത എല്ലാവരും തിരിച്ചറിയണമെന്ന് ജില്ലാ മെഡിക്കല് ഓഫീസര് ആഹ്വാനം ചെയ്തു. ആരോഗ്യ ജാഗ്രതാ നിര്ദ്ദേശങ്ങള് ഒരു കാരണവശാലും ലംഘിക്കരുത്. രോഗ ലക്ഷണങ്ങളുള്ളവര് അക്കാര്യം മറച്ചുവെക്കരുത്. സര്ക്കാര് നിര്ദ്ദേശപ്രകാരം ജില്ലാ ഭരണകൂടത്തിന്റെ നേതത്വത്തില് ആരോഗ്യവകുപ്പ് ഇതര സര്ക്കാര് വകുപ്പുകളുമായി ചേര്ന്ന് ഊര്ജ്ജിതമായ രോഗപ്രതിരോധ പ്രവര്ത്തനങ്ങളാണ് നടത്തുന്നതെന്നും ഇതിനോട് പൊതുജനങ്ങള് പൂര്ണ്ണമായും സഹകരിക്കണമെന്നും ജില്ലാ മെഡിക്കല് ഓഫീസര് പറഞ്ഞു.
രോഗം സ്ഥിരീകരിച്ചവരുമായി ഏതെങ്കിലും വിധത്തില് സമ്പര്ക്കമുണ്ടായിട്ടുള്ളവര് വീടുകളില് പ്രത്യേക മുറികളില് നിരീക്ഷണത്തില് കഴിയണം. ഈ വിവരം ആരോഗ്യ പ്രവര്ത്തകരെ അറിയിക്കണം. വീടുകളില് നിരീക്ഷണത്തിന് സൗകര്യമില്ലാത്തവര്ക്ക് സര്ക്കാര് ഒരുക്കിയ കോവിഡ് കെയര് സെന്ററുകള് ഉപയോഗപ്പെടുത്താം. ആരോഗ്യ പ്രശ്നങ്ങളുണ്ടായാല് ഒരു കാരണവശാലും നേരിട്ട് ആശുപത്രികളില് പോകരുത്. ജില്ലാതല കണ്ട്രോള് സെല്ലിലോ അടുത്തുള്ള സര്ക്കാര് ആശുപത്രിയിലോ വിളിച്ച് ലഭിക്കുന്ന നിര്ദ്ദേശങ്ങള് പൂര്ണമായും പാലിക്കണം. ജില്ലാതല കണ്ട്രോള് സെല് നമ്പറുകള്: 0483 2737858, 2737857, 2733251, 2733252, 2733253.