അന്യായ റെയ്ഡിനെതിരേ പ്രതിഷേധിച്ച പോപുലര്‍ ഫ്രണ്ട് പ്രവര്‍ത്തകര്‍ക്കെതിരേ കേസ്
മഞ്ചേരി: പോപുലര്‍ ഫ്രണ്ട് നേതാക്കളുടെ വീടുകളിലും ഓഫിസിലും എന്‍ഫോഴ്‌സ്‌മെന്റ് ഉദ്യോഗസ്ഥര്‍ നടത്തിയ അന്യായ റെയ്ഡില്‍ പ്രതിഷേധിച്ച് പ്രകടനം നടത്തിയവര്‍ക്കെതിരേ പോലിസ് കേസെടുത്തു. അനുമതിയില്ലാതെ പ്രകടനം നടത്തിയെന്ന് ആരോപിച്ചാണ് കണ്ടാലറിയാവുന്ന നൂറോളം പോപുലര്‍ ഫ്രണ്ട്-എസ്ഡിപിഐ പ്രവര്‍ത്തകര്‍ക്കെതിരേ മഞ്ചേരി പോലിസ് കേസെടുത്തത്.
ഗതാഗത തടസ്സമുണ്ടാക്കുക, ലഹളയുണ്ടാക്കുന്ന വിധം സംഘടിക്കുക, പകര്‍ച്ച വ്യാധി തടയല്‍ നിയമം തുടങ്ങിയ വകുപ്പുകള്‍ പ്രകാരമാണ് കേസ്. മഞ്ചേരി ടൗണിലെ നാലു റോഡുകളിലും കടന്ന് സീതിഹാജി ബസ് ടെര്‍മിനല്‍ പരിസരത്താണ് പ്രകടനം സമാപിച്ചത്.
Case against Popular Front activists protesting against ED raid