കുന്ദമംഗലം മിനി സിവില്‍ സ്റ്റേഷന്‍ ഉദ്ഘാടനം നാളെ മുഖ്യമന്ത്രി നിര്‍വഹിക്കും
കോഴിക്കോട്: കുന്ദമംഗലം മിനി സിവില്‍ സ്റ്റേഷന്‍ ഉദ്ഘാടനം നാളെ രാവിലെ 10നു വീഡിയോ കോണ്‍ഫറന്‍സ് മുഖേന മുഖ്യമന്ത്രി പിണറായി വിജയന്‍ നിര്‍വഹിക്കും. മന്ത്രി ഇ ചന്ദ്രശേഖരന്‍ അധ്യക്ഷത വഹിക്കും. പിടിഎ റഹീം എംഎല്‍എ സഹ അധ്യക്ഷനാവും. വിവിധ ഭാഗങ്ങളിലായി ഒറ്റപ്പെട്ടു നില്‍ക്കുന്ന സര്‍ക്കാര്‍ ഓഫീിസുകള്‍ ഒരു മേല്‍ക്കൂരയ്ക്കു കീഴില്‍ കൊണ്ടുവരിക എന്ന ലക്ഷ്യത്തോടെയാണ് കുന്ദമംഗലത്ത് മിനി സിവില്‍ സ്റ്റേഷന്‍ ഒരുക്കിയത്. 50 സെന്റ് സ്ഥലത്തുള്ള മിനി സിവില്‍ സ്റ്റേഷന്‍ കെട്ടിട നിര്‍മാണ പ്രവൃത്തി രണ്ടു ഘട്ടമായാണ് പൂര്‍ത്തീകരിച്ചത്.
Chief Minister will inaugurate the Kundamangalam mini civil station tomorrow