കണ്ണൂര്‍: പുതുതായി കൊവിഡ് ബാധ റിപോര്‍ട്ട് ചെയ്യപ്പെട്ടതിനെ തുടര്‍ന്ന് ജില്ലയിലെ 19 തദ്ദേശ സ്വയംഭരണ വാര്‍ഡുകള്‍ കൂടി കണ്ടെയിന്‍മെന്റ് സോണുകളായി ജില്ലാ കലക്ടര്‍ പ്രഖ്യാപിച്ചു. അഴീക്കോട്-15, 18, കൂത്തുപറമ്പ്-16, 22, 25, 27, ചിറ്റാരിപ്പറമ്പ്-5, 14, മാങ്ങാട്ടിടം-2, വേങ്ങാട്-3, 18, ഉളിക്കല്‍-16, കൊളച്ചേരി-10, പേരാവൂര്‍ 10, തളിപ്പറമ്പ്-30, മട്ടന്നൂര്‍-17 എന്നീ വാര്‍ഡുകളാണ് പുതുതായി കണ്ടെയിന്‍മെന്റ് സോണുകളായത്. ഇവിടങ്ങളില്‍ വിദേശ രാജ്യങ്ങളില്‍ നിന്നും ഇതര സംസ്ഥാനങ്ങളില്‍ നിന്നും എത്തിയവര്‍ക്കാണ് കൊവിഡ് ബാധയെന്നതിനാല്‍ രോഗികളുടെ വീട് കേന്ദ്രമാക്കി 100 മീറ്റര്‍ ചുറ്റളവില്‍ വരുന്ന പ്രദേശങ്ങളാണ് കണ്ടെയിന്‍മെന്റ് സോണുകളാക്കുക. ഇതിനുപുറമെ സമ്പര്‍ക്കം മൂലം രോഗബാധയുണ്ടായ പാനൂര്‍ 16, കൂത്തുപ്പറമ്പ്-27, മാങ്ങാട്ടിടം-1 വാര്‍ഡുകള്‍ പൂര്‍ണമായി അടച്ചിടാനും ജില്ലാ കലക്ടര്‍ ഉത്തരവിട്ടു.
Covid: 19 more wards in Containment Zone in Kannur