കേന്ദ്രമന്ത്രി രാംവിലാസ് പസ്വാന് അന്തരിച്ചു
ജനതാ പാര്ട്ടിയിലൂടെയാണ് അദ്ദേഹം രാഷ്ട്രീയത്തിലേക്ക് കടന്നുവരുന്നത്.
ന്യൂഡല്ഹി: കേന്ദ്രമന്ത്രിയും എല്ജെപി നേതാവുമായ രാംവിലാസ് പസ്വാന് (76) അന്തരിച്ചു. ഏറെക്കാലമായി ചികിൽസയിലായിരുന്നു. കഴിഞ്ഞ ദിവസം ഹൃദയമാറ്റ ശസ്ത്രക്രിയ നടത്തി വിശ്രമത്തിലായിരുന്നു.
മകന് ചിരാഗ് പസ്വാനാണ് മരണവിവരം ട്വീറ്റ് ചെയ്തത്. ബിഹാര് നിയമസഭാ തിരഞ്ഞെടുപ്പിന് തൊട്ടുമുമ്പാണ് രാംവിലാസ് പസ്വാന്റെ വിയോഗം.
കഴിഞ്ഞ അഞ്ച് പതിറ്റാണ്ടായി ഇന്ത്യന് രാഷ്ട്രീയത്തില് നിറഞ്ഞുനിന്ന വ്യക്തിത്വമായിരുന്നു രാംവിലാസ് പസ്വാന്. ബിഹാറില് നിന്നുള്ള ഇന്ത്യയിലെ അറിയപ്പെടുന്ന ദലിത് നേതാവ് കൂടിയാണ് പസ്വാന്. രണ്ടാം മോദി സര്ക്കാരില് കേന്ദ്ര ഭക്ഷ്യ-പൊതുവിതരണ മന്ത്രിയായിരുന്നു.
ജനതാ പാര്ട്ടിയിലൂടെയാണ് അദ്ദേഹം രാഷ്ട്രീയത്തിലേക്ക് കടന്നുവരുന്നത്. അടിയന്തരാവസ്ഥ കാലത്ത് ഇന്ദിര ഗാന്ധിക്കെതിരേ കടുത്ത നിലപാടെടുത്ത വിദ്യാര്ഥി നേതാവായിരുന്നു. അടിയന്തരാവസ്ഥ പ്രഖ്യാപിച്ച ശേഷമുള്ള സമരമുഖങ്ങളാണ് പസ്വാനെ ജനങ്ങളിലേക്കെത്തിച്ചത്.
English Summary: Ram Vilas Paswan, union minister, passes away