രാജ്യത്ത് 8000 കടന്ന് കൊവിഡ് രോഗികള്;മൂന്നു മാസത്തിനിടയിലെ ഏറ്റവും ഉയര്ന്ന വര്ധന
ന്യൂഡല്ഹി: രാജ്യത്ത് കൊവിഡ് കേസുകള് 8000 കടന്നു. കഴിഞ്ഞ 24 മണിക്കൂറിനിടെ 8,329 പേര്ക്ക് രോഗം സ്ഥിരീകരിച്ചു.ആക്ടിവ് കേസുകളില് ഇന്നലെ മാത്രമുണ്ടായ വര്ധന 4,103. പ്രതിദിന രോഗ സ്ഥിരീകരണ നിരക്ക് 2.41 ശതമാനമായി.മൂന്നു മാസത്തിനിടയിലെ ഏറ്റവും ഉയര്ന്ന പ്രതിദിന രോഗ സ്ഥിരീകരണ നിരക്കാണിത്.
കഴിഞ്ഞ ഫെബ്രുവരി 28നാണ് ഇതിനു മുമ്പ് രോഗികളുടെ എണ്ണം 8000 കവിഞ്ഞത്. 8,013 രോഗികള്. നിലവില് രാജ്യത്ത് കൊവിഡ് ബാധിച്ചു ആശുപത്രികളിലും വീടുകളിലുമായി ചികില്സയിലുള്ളവരുടെ എണ്ണം 40,370 ആയി.പത്തു മരണവും കൊവിഡ് മൂലമാണെന്നു സ്ഥിരീകരിച്ചു.ഇതോടെ 5,24,757 പേരാണ് കൊവിഡ് ബാധിച്ചു മരിച്ചത്.