ആന്ധ്രയിലെ ഓയില്‍ ഫാക്ടറിയില്‍ വിഷവാതക ദുരന്തം; ഏഴ് തൊഴിലാളികള്‍ മരിച്ചു
വിശാഖപട്ടണം: ആന്ധ്രാപ്രദേശില്‍ വിഷവാതകം ശ്വസിച്ച് ഏഴ് തൊഴിലാളികള്‍ മരിച്ചു. കാക്കിനടയിലെ ജിരാഗംപേട്ടില്‍ സ്ഥിതിചെയ്യുന്ന ഓയില്‍ ഫാക്ടറിയിലാണ് ദുരന്തമുണ്ടായത്. വലിയ ഓയില്‍ ടാങ്കര്‍ വൃത്തിയാക്കാന്‍ കയറിയ തൊഴിലാളികളാണ് ശ്വാസം മുട്ടി മരിച്ചത്.
സംഭവസ്ഥലത്തുതന്നെ ഏഴുപേരും മരിച്ചതായി പോലിസ് വൃത്തങ്ങള്‍ അറിയിച്ചു. ഒരുവര്‍ഷം മുമ്പ് പ്രവര്‍ത്തനം ആരംഭിച്ച അമ്പാടി സുബ്ബണ്ണ ഓയില്‍ ഫാക്ടറിയിലെ ഗ്യാസ് ടാങ്ക് വൃത്തിയാക്കുകയായിരുന്നു ഇവര്‍. ഒരു തൊഴിലാളി രക്ഷപ്പെട്ടു. രക്ഷാപ്രവര്‍ത്തനങ്ങള്‍ പുരോഗമിക്കുകയാണ്.