കാറില് ഇരുത്തി തമിഴ്നാട്ടിലേക്ക് കൊണ്ടുപോയ മൃതദേഹം പോലിസ് പിടികൂടി
BY fousiya sidheek25 May 2017 6:57 AM GMT
fousiya sidheek25 May 2017 6:57 AM GMT
ആര്പ്പൂക്കര: മരണപ്പെട്ട തമിഴ്നാട് സ്വദേശിനിയായ വീട്ടമ്മയുടെ മൃതദേഹം ബന്ധുക്കള് കാറില് ഇരുത്തി നാട്ടിലേക്കു കൊണ്ടുപോയത് പോലിസ് പിടികൂടി പോസ്റ്റുമോര്ട്ടം നടത്തി. കോട്ടയം പുത്തനങ്ങാടിയില് താമസിക്കുന്ന ലക്ഷ്മി(60)യുടെ മൃതദേഹമാണ് ഇന്നലെ രാവിലെ ഭര്ത്താവും ബന്ധുക്കളും ചേര്ന്ന് കാറില് ഇരുത്തി തമിഴ്നാട്ടിലേക്ക് കൊണ്ടുപോയത്. 25 വര്ഷമായി പുത്തനങ്ങാടിയില് താമസിച്ച് അലൂമിനിയം പാത്രങ്ങളുടെ ഹോള്സെയില് നടത്തുകയാണ് ലക്ഷ്മിയും ഭര്ത്താവും. ചൊവ്വാഴ്ച രാത്രി ഉറങ്ങാന് കിടന്ന ലക്ഷ്മി രക്തസമ്മര്ദ്ദം കൂടി മരണപ്പെട്ടു. ഇന്നലെ രാവിലെയാണ് ഭര്ത്താവ് ഈ വിവരം അറിയുന്നത്. രാവിലെ ലക്ഷ്മിയുടെ ശരീരം അനക്കമില്ലാതെ തണുത്തിരുന്നതിനാല് ഭര്ത്താവും സമീപത്ത് താമസിക്കുന്ന ബന്ധുക്കളും ആശുപത്രിയില് കൊണ്ടുപോവാതെ മരണം ഉറപ്പാക്കി. അയല്വാസികളേയും വിവരം അറിയിച്ചില്ല. മറ്റു നടപടികള്ക്കു നില്ക്കാതെ ബന്ധുവിന്റെ കാറില് ലക്ഷ്മിയുടെ മൃതദേഹം ഇരുത്തി തമിഴ്നാട്ടിലേക്ക് പുറപ്പെട്ടു. ഈ വിവരം ജില്ലാ പോലിസ് മേധാവിക്ക് അജ്ഞാത ഫോണ്കോള് ലഭിച്ചു. തുടര്ന്ന് എസ്പി കോട്ടയം വെസ്റ്റ് എസ്ഐ എം ജെ അരുണിനു നിര്ദേശം നല്കുകയും ചെയ്തു. കാറില് മൃതദേഹവുമായി വരുന്ന വിവരം ചെങ്ങന്നൂര് പോലിസിനെ അറിയിച്ചതിനെ തുടര്ന്ന് പോലിസ് നടത്തിയ പരിശോധനയില് രാവിലെ 8.30ന് കല്ലിശേരിയില് വച്ച് മൃതദേഹം പിടികൂടി. പിന്നീട് വെസ്റ്റ് എസ്ഐയുടെ നേതൃത്വത്തില് മൃതദേഹം കോട്ടയം മെഡിക്കല് കോളജ് ആശുപത്രിയില് എത്തിച്ച് പോസ്റ്റുമോര്ട്ടം നടത്തി. ലക്ഷ്മിയുടെ മരണം സ്വഭാവികമാണെന്നു പോസ്റ്റ്മോര്ട്ടത്തിലൂടെ ബോധ്യപ്പെട്ടതിനാല് പോലിസ് മൃതദേഹം ബന്ധുക്കള്ക്കു വിട്ടുനല്കി.
Next Story
RELATED STORIES
മഹാരാഷ്ട്ര സ്വദേശിയെ അക്രമിച്ച് 1.75 കോടി രൂപയുടെ സ്വര്ണം കവര്ന്നു
4 May 2024 5:05 PM GMTകെഎസ്ആര്ടിസി ബസ് തടഞ്ഞ സംഭവം: മേയര് ആര്യക്കും സച്ചിന്ദേവിനുമെതിരെ...
4 May 2024 4:52 PM GMTമലയാളികളടക്കം ജീവനക്കാരെ സ്വതന്ത്രരാക്കിയെന്ന് ഇറാൻ; വിട്ടയക്കാതെ...
4 May 2024 10:53 AM GMTവയനാട് നെയ്ക്കുപ്പയിൽ വീട്ടിലേക്കുള്ള വഴിയിൽ നിർത്തിയിട്ട കാറും...
4 May 2024 10:50 AM GMTഅരളിപ്പൂവിൽ വിഷാംശം ഉണ്ടെന്ന് റിപ്പോർട്ട് കിട്ടിയിട്ടില്ലെന്ന് ...
4 May 2024 10:46 AM GMTരോഹിത് വെമുല കേസ് ; പുനരന്വേഷണം നടത്തും
4 May 2024 10:44 AM GMT