റിയാസ് മൗലവി വധം: കോടതി വിധി ദൗര്ഭാഗ്യകരം-പി അബ്ദുല് ഹമീദ്
തിരുവനന്തപുരം: കാസര്കോട് ചൂരിയിലെ മദ്റസ അധ്യാപകനായിരുന്ന മുഹമ്മദ് റിയാസ് മൗലവിയെ കഴുത്തറുത്ത് കൊലപ്പെടുത്തിയ കേസില് ആര്എസ്എസ് പ്രവര്ത്തകരായ മൂന്ന് പ്രതികളെയും വെറുതെവിട്ട കോടതി വിധി ദൗര്ഭാഗ്യകരമാണെന്ന് എസ്ഡിപിഐ സംസ്ഥാന വൈസ് പ്രസിഡന്റ് പി അബ്ദുല് ഹമീദ്. ഫോറന്സിക് തെളിവ് ഉള്പ്പെടെ പ്രതികള്ക്കെതിരേ ശക്തമായ തെളിവുകള് ഉള്ള കേസില് പ്രതികള് കുറ്റവിമുക്തരാക്കപ്പെട്ടത് നിയമവൃത്തങ്ങളെ പോലും അമ്പരപ്പിക്കുന്നതാണ്. ആര്എസ്എസുകാര് പ്രതിപ്പട്ടികയില് വരുമ്പോഴെല്ലാം കേസന്വേഷണത്തിലുള്പ്പെടെയുണ്ടാകുന്ന നിര്ലജ്ജമായ നിസ്സംഗത നീതിയെ കാംക്ഷിക്കുന്നവരെ നിരാശരാക്കുന്നതാണ്. 2017 മാര്ച്ച് 20ന് യാതൊരു പ്രകോപനവുമില്ലാതെയാണ് യുവ പണ്ഡിതനെ പള്ളിക്കുള്ളില് കടന്നുകയറി കഴുത്തറുത്ത് കൊന്നത്. തുടക്കം മുതല് പ്രതികളെ സംരക്ഷിക്കുന്ന നിലപാടുകളാണ് പല കേന്ദ്രങ്ങളില് നിന്നും ഉണ്ടായത്. വര്ഗീയ സംഘര്ഷങ്ങളും ഏകപക്ഷീയമായ കൊലപാതകങ്ങളും ആവര്ത്തിക്കപ്പെടുന്ന കാസര്കോട് ജില്ലയില് നടന്ന കൊലപാതകത്തില് ആര്എസ്എസ് ഉന്നതങ്ങളില് നടന്ന ഗൂഢാലോചന സംബന്ധിച്ച് സത്യസന്ധമായ അന്വേഷണമുണ്ടായില്ല. സംഘപരിവാര് നേതാവ് കൊല്ലപ്പെട്ട് രണ്ടുവര്ഷം പൂര്ത്തിയാവുന്നതിനു മുമ്പുതന്നെ മുഴുവന് പ്രതികളെയും വധശിക്ഷയ്ക്ക് വിധിച്ചുകൊണ്ടുള്ള വിധി വന്ന് ആഴ്ചകള് പിന്നിടുന്നതിനു മുമ്പാണ് അത്യപൂര്വമായ കൊലപാതകത്തില് ആര്എസ്എസ് അക്രമികള് കുറ്റവിമുക്തരാക്കപ്പെട്ടിരിക്കുന്നത്. ഇത്തരം വിധികള് നീതിനിര്വഹണ സംവിധാനത്തിലുള്ള പൗരന്മാരുടെ വിശ്വാസം നഷ്ടപ്പെടാന് ഇടയാക്കുമെന്നും പി അബ്ദുല് ഹമീദ് കൂട്ടിച്ചേര്ത്തു.
RELATED STORIES
കണ്ണൂര് ചെറുകുന്നില് കാറും ലോറിയും കൂട്ടിയിടിച്ച് അഞ്ചു മരണം
29 April 2024 7:30 PM GMTഎല്ഡിഎഫ് പരസ്യം; സുപ്രഭാതത്തിനും ദീപികയ്ക്കും തിരഞ്ഞെടുപ്പ്...
29 April 2024 3:49 PM GMTഇ പിക്കുള്ള സംരക്ഷണം സിപിഎമ്മിലെ ബിജെപി സ്വാധീനത്തിനു തെളിവെന്ന് കെ...
29 April 2024 3:25 PM GMTവിദ്വേഷപ്രസംഗത്തില് മോദിക്കെതിരേ കേസെടുക്കണം;എസ് ഡിപി ഐ പ്രതിഷേധ...
29 April 2024 3:07 PM GMTഉഷ്ണതരംഗ സാധ്യത; സര്ക്കാര്-സ്വകാര്യ ഐടിഐകള്ക്ക് മെയ് നാലുവരെ അവധി
29 April 2024 2:57 PM GMTഅമിത് ഷാ സഞ്ചരിച്ച ഹെലികോപ്ടറിന് പറന്നുയരുന്നതിനിടെ നിയന്ത്രണം...
29 April 2024 12:58 PM GMT