സിറിയന് ഭരണകൂടവുമായുള്ള ബന്ധം പുനസ്ഥാപിച്ച് ഹമാസ്
'നമ്മുടെ രാജ്യത്തിന്റെ സേവനത്തിലും അതിന്റെ ന്യായമായ കാരണങ്ങളിലും, ഫലസ്തീന് എന്ന ലക്ഷ്യത്തോടെ സിറിയന് ഭരണകൂടവുമായി ദൃഢമായ ബന്ധം കെട്ടിപ്പടുക്കുകയും വികസിപ്പിക്കുകയും ചെയ്യുന്നതു തുടരുമെന്ന്' ഹമാസ് പ്രസ്താവനയില് പറഞ്ഞു.
'ഫലസ്തീനിയന് ജനതയ്ക്കൊപ്പം നിലകൊള്ളുന്നതിലും അവരുടെ ന്യായമായ ലക്ഷ്യത്തിനുമുള്ള സിറിയയുടെ പങ്കില് അതിന്റെ നേതൃത്വത്തിനും ജനങ്ങള്ക്കും' പ്രസ്ഥാനം അഭിനന്ദനം അറിയിക്കുകയും ചെയ്തു.
സിറിയയുടെ സ്ഥിരത, സുരക്ഷ, സമൃദ്ധി, പുരോഗതി എന്നിവ പുനഃസ്ഥാപിക്കാന് ലക്ഷ്യമിട്ടുള്ള ആത്മാര്ത്ഥമായ എല്ലാ ശ്രമങ്ങള്ക്കും പിന്തുണ പ്രഖ്യാപിക്കുകയും 'അറബ്, ഇസ്ലാമിക രാഷ്ട്രങ്ങളില് സിറിയ അതിന്റെ പങ്കും സ്ഥാനവും പുനഃസ്ഥാപിക്കുമെന്ന' പ്രതീക്ഷയും ഹമാസ് പങ്കുവച്ചു.
'സിറിയ നമ്മുടെ ഫലസ്തീന് ജനതയെയും അതിന്റെ പ്രതിരോധ വിഭാഗങ്ങളെയും ദശാബ്ദങ്ങളായി ആശ്ലേഷിക്കുന്നു, അതിന് അവര് വിധേയരായ ക്രൂരമായ ആക്രമണത്തിന്റെ വെളിച്ചത്തില് അവരോടൊപ്പം നില്ക്കേണ്ടതുണ്ട്,' സിറിയന് പ്രദേശത്തിന് നേരെയുള്ള ഇസ്രായേല് ആവര്ത്തിച്ചുള്ള ആക്രമണങ്ങളെ പരാമര്ശിച്ച് ഹമാസ് പ്രസ്താവനയില് പറഞ്ഞു.
സിറിയയ്ക്കെതിരായ ഇസ്രായേല് ആവര്ത്തിച്ചുള്ള ആക്രമണത്തെ, പ്രത്യേകിച്ച് ഡമാസ്കസിലെയും അലപ്പോയിലെയും വിമാനത്താവളങ്ങളില് അടുത്തിടെ നടന്ന ബോംബാക്രമണത്തെ പ്രസ്ഥാനം ശക്തമായി അപലപിക്കുയും ചെയ്തു. 2012ല് സിറിയന് വിപ്ലവം പൊട്ടിപ്പുറപ്പെട്ടതിനു പിന്നാലെയാണ് ഹമാസും സിറിയന് ഭരണകൂടവും തമ്മിലുള്ള ബന്ധം വിച്ഛേദിക്കപ്പെട്ടത്.
RELATED STORIES
മണിപ്പൂരില് വീണ്ടും സംഘര്ഷം; രണ്ട് സിആര്പിഎഫ് ജവാന്മാര്...
27 April 2024 5:55 AM GMT'മുസ് ലിം വോട്ട് വേണം, സ്ഥാനാര്ഥികളെ വേണ്ട'; മഹാരാഷ്ട്ര കോണ്ഗ്രസ്...
27 April 2024 5:48 AM GMTപ്രതീക്ഷയും ആശങ്കയും ഒരു പോലെ, പോളിങ് ശതമാനത്തിലെ കുറവ്...
27 April 2024 5:36 AM GMTമനീഷ് സിസോദിയ ഉള്പ്പെടെയുള്ളവരുടെ റിമാന്റ് മെയ് എട്ടുവരെ നീട്ടി
27 April 2024 5:04 AM GMTജുഡീഷ്യറി വിരുദ്ധ പരാമര്ശം: മമതാ ബാനര്ജിക്കെതിരായ ഹരജി കല്ക്കട്ട...
27 April 2024 4:59 AM GMTകാണാതായ 10ാം ക്ലാസ്സ് വിദ്യാര്ഥിനിയും സുഹൃത്തായ യുവാവും തൂങ്ങി...
27 April 2024 2:47 AM GMT