ആലപ്പുഴ വണ്ടാനം മെഡിക്കല് സര്വീസസ് കോര്പറേഷന് ഗോഡൗണില് തീപിടിത്തം
ആലപ്പുഴ: വണ്ടാനം മെഡിക്കല് കോളജ് ആശുപത്രിക്കു സമീപത്തെ മെഡിക്കല് സര്വീസസ് കോര്പറേഷന്റെ ഗോഡൗണില് തീപിടിത്തം. ബ്ലീച്ചിങ് പൗഡര് സൂക്ഷിച്ചിരുന്ന മുറികളിലാണ് പുലര്ച്ചെ ഒന്നരയോടെ തീപിടിച്ചത്. 30,000 കിലോ ബ്ലീച്ചിങ് പൗഡര് നശിച്ചെന്നാണ് നിഗമനം. മരുന്നുകള് സൂക്ഷിക്കുന്ന പ്രധാന കെട്ടിടത്തിന്റെ പിന്നിലെ എയര് കണ്ടീഷനറുകളും കത്തിനശിച്ചു. കെട്ടിടത്തിന്റെ ജനാലകളിലേക്കും തീ പടര്ന്നു. എന്നാല്, അകത്തേക്കു തീ പടര്ന്നിട്ടില്ല. രണ്ടാഴ്ചയ്ക്കിടെ കെഎംഎസ്സിഎലിന്റെ മൂന്നാമത്തെ ഗോഡൗണിലാണ് തീപിടിക്കുന്നത്. തിരുവനന്തപുരത്തെ തീപിടിത്തത്തെ തുടര്ന്ന് വണ്ടാനത്ത് അഗ്നിരക്ഷാ സേന അധികൃതര് പരിശോധന നടത്തിയിരുന്നു. സുരക്ഷാ പ്രശ്നങ്ങളില്ല എന്നായിരുന്നു വിലയിരുത്തല്. ആലപ്പുഴ ജില്ലയിലെ സര്ക്കാരാശുപത്രികളിലേക്കു മരുന്ന് എത്തിക്കുന്നത് ഇവിടെ നിന്നാണ്. ആലപ്പുഴയില്നിന്നെത്തിയ ഫയര്ഫോഴ്സിന്റെ മൂന്നു യൂനിറ്റുകളാണ് തീയണച്ചത്.
RELATED STORIES
ഡ്രൈവിങ് ടെസ്റ്റ് ഇന്നും തടസ്സപ്പെട്ടു; പലയിടത്തും പ്രതിഷേധം
9 May 2024 6:55 AM GMTചാലക്കുടി സ്വദേശിനി കാനഡയില് മരിച്ചനിലയില്; ഭര്ത്താവിനെ കാണാനില്ല
9 May 2024 6:15 AM GMTഎയര് ഇന്ത്യ എക്സ്പ്രസ് സമരം; ജോലിക്ക് എത്താതിരുന്ന ജീവനക്കാര്ക്ക്...
9 May 2024 6:12 AM GMTകനത്ത മഴ; കൊച്ചിയില് കേബിളുകള് പൊട്ടി ട്രെയിന് ഗതാഗതം താളംതെറ്റി
8 May 2024 4:23 PM GMTകാറപകടത്തില് പരിക്കേറ്റ ബിലീവേഴ്സ് ചര്ച്ച് അധ്യക്ഷന് കെ പി...
8 May 2024 4:14 PM GMTഒമാന് എ ഡിവിഷന് ക്രിക്കറ്റില് ഇനി മലയാളിത്തിളക്കം
8 May 2024 2:17 PM GMT