|    Sep 23 Sun, 2018 8:57 am
FLASH NEWS
Home   >  National   >  

ഇന്ധനവില സര്‍വകാല റെക്കോര്‍ഡില്‍; കാരണം ബാഹ്യഘടകങ്ങളെന്ന് കേന്ദ്രം

Published : 3rd September 2018 | Posted By: afsal ph

ന്യൂഡല്‍ഹി: രാജ്യത്തെ ഇന്ധന വില വര്‍ദ്ധന സര്‍വകാല റെക്കോര്‍ഡിലേക്ക് ഉയര്‍ന്നു. ഇന്ന് രാവിലെ മുംബൈയില്‍ ഒരു ലീറ്റര്‍ പെട്രോളിനു 86.56 രൂപയും ഡീസലിന് ലീറ്ററിന് 75.54ഉം ആണ് വില. പെട്രോളിന് 31 പൈസയും ഡീസലിന് 39 പൈസയുമാണ് വര്‍ധിച്ചത്. ഡല്‍ഹിയില്‍ പെട്രോള്‍ ലീറ്ററിന് 79.15 രൂപയായിരുന്നു. 71.15 രൂപയിലേക്കു ഡീസല്‍ വിലയും എത്തി. പെട്രോള്‍ ലീറ്ററിനു തിങ്കളാഴ്ച 31 പൈസയാണു വര്‍ധിച്ചത്. ഡീസലിനാകട്ടെ 39 പൈസയും. 2017 ജൂണ്‍ മധ്യത്തില്‍ ദിനംപ്രതിയുള്ള പെട്രോള്‍ വില നിര്‍ണയം വന്നതിനു ശേഷം ഇതാദ്യമായാണ് ഇത്രയേറെ കുതിച്ചുയരുന്നത്. ക്രൂഡ് ഓയിലിനു വില വര്‍ധിച്ചതും രൂപയുടെ മൂല്യം ഇടിഞ്ഞതുമാണ് ഇതിനു കാരണമായി ചൂണ്ടിക്കാണിക്കപ്പെടുന്നത്.
ഇന്ധന വിലവര്‍ദ്ധനവിന് കാരണക്കാര്‍ നമ്മളല്ലെന്നും ബാഹ്യഘടകങ്ങളാണ്’ കാരണമെന്നുമാണു പെട്രോളിയം വകുപ്പു മന്ത്രി ധര്‍മേന്ദ്ര പ്രധാന്‍ കഴിഞ്ഞ ദിവസം പറഞ്ഞത്. ഉല്‍പാദനം പ്രതിദിനം 10 ലക്ഷം ബാരലാക്കാമെന്ന് ‘ഒപെക്’ വാഗ്ദാനം നല്‍കിയിരുന്നു, അതു നടപ്പായില്ല. വെനസ്വേല, ഇറാന്‍ എന്നീ രാജ്യങ്ങളില്‍ പ്രതിസന്ധി തുടരുകയാണ്. ഉല്‍പാദനം കുറഞ്ഞതിനെത്തുടര്‍ന്നു പെട്രോള്‍ വിലനിര്‍ണയത്തിന്മേല്‍ സമ്മര്‍ദമേറെയുണ്ട്. രൂപയുടെ ഉള്‍പ്പെടെ മൂല്യം ഇടിഞ്ഞതും പ്രശ്‌നമാണ്. വിലവര്‍ധന താല്‍ക്കാലികം മാത്രമായിരിക്കുമെന്നും പ്രധാന്‍ വ്യക്തമാക്കി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss