40 വയസില്‍ സചിന് കളിക്കാമെങ്കില്‍ നെഹ്‌റയ്ക്കും കളിക്കാം: സെവാഗ്

ന്യൂഡല്‍ഹി: 40 വയസുള്ളപ്പോള്‍ സചിന്‍ ടെണ്ടുല്‍ക്കര്‍ക്ക് ഇന്ത്യന്‍ ടീമില്‍ കളിക്കാമെങ്കില്‍ 38ാം വയസില്‍ നെഹ്‌റയ്ക്കും ഇന്ത്യന്‍ ടീമില്‍ കളിക്കാമെന്ന് വീരേന്ദര്‍ സെവാഗ്. ആസ്‌ത്രേലിയക്കെതിരായ ട്വന്റി പരമ്പരയ്ക്കുള്ള ഇന്ത്യന്‍ ടീമില്‍ നെഹ്‌റയെ ഉള്‍പ്പെടുത്തിയത് ആശ്ചര്യത്തോടെ കാണേണ്ട. അദ്ദേഹം മികച്ച താരമായതുകൊണ്ടാണ് അവസരം ലഭിച്ചതെന്നും സെവാഗ് അഭിപ്രായപ്പെട്ടു. പ്രായമല്ല ടീമിലേക്ക് അവസരം ലഭിക്കുന്നതിനുള്ള മാനദണ്ഡമെന്നും സെവാഗ് കൂട്ടിച്ചേര്‍ത്തു. നീണ്ട നാളുകളായി ടീമില്‍ ഇടം നേടാതിരുന്ന നെഹ്‌റയെ ഇന്ത്യന്‍ ടീമില്‍ ഉള്‍ക്കൊള്ളിച്ചതിനെതിരെ വിമര്‍ശനങ്ങള്‍ ഉയര്‍ന്നിരുന്നു.