ഹക്കീംവധം: സിബിഐ സംഘം തുടര്നടപടികളിലേക്ക്
BY Sumeera SMR5 Dec 2015 4:59 AM GMT
Sumeera SMR5 Dec 2015 4:59 AM GMT
പയ്യന്നൂര്: കൊറ്റി ജുമാമസ്ജിദ് ജീവനക്കാരന് ഹക്കീമിന്റെ കൊലപാതകവുമായി ബന്ധപ്പെട്ട കേസന്വേഷണത്തില് സിബിഐ തുടര്നടപടികളിലേക്ക് നീങ്ങുന്നു. അന്വേഷണത്തിന്റെ പ്രാരംഭ നടപടികള് പൂര്ത്തിയാക്കിയതായാണു സൂചന. കഴിഞ്ഞ മാസം 16ന് സിബിഐ ഇന്സ്പെക്ടര് ഡാര്വിന്റെ നേതൃത്വത്തിലുള്ള സംഘം ക്യാംപ് ഓഫിസായ പയ്യന്നൂര് ഗസ്റ്റ്ഹൗസിലെത്തി ക്രൈംബ്രാഞ്ച് റിപോര്ട്ട് വിശദമായി പരിശോധിച്ചിരുന്നു. തുടര്ന്ന് കേസ് സിബിഐ കോടതിയിലേക്ക് മാറ്റിക്കിട്ടാന് പയ്യന്നൂര് ഒന്നാം ക്ലാസ് മജിസ്ട്രേറ്റ് കോടതിയില് ഹര്ജി നല്കുകയും കേസ് സിബിഐ കോടതിയിലേക്ക് മാറ്റുകയും ചെയ്തിരുന്നു. കേസന്വേഷണവുമായി ബന്ധപ്പെട്ട് കൊല്ലപ്പെട്ട ഹക്കീമിന്റെ ഭാര്യ സീനത്തില് നിന്നു സിബിഐ സംഘം മൊഴിയെടുത്തിരുന്നു. ഇതുവരെ കേസുമായി ബന്ധപ്പെട്ട് ആര്ക്കും ചോദ്യം ചെയ്യലിനുള്ള നോട്ടിസ് നല്കാന് സംഘം തയ്യാറായിട്ടില്ല. സംശയനിഴലിലുള്ള ചിലരെ താമസിയാതെ വിളിപ്പിക്കാനും പലഘട്ടങ്ങളില് ക്രൈംബ്രാഞ്ച് സംഘത്തോട് മൊഴിമാറ്റി പറഞ്ഞ ചിലരെ ചോദ്യം ചെയ്യാനുമാണ് നീക്കം. 2014 ഫെബ്രുവരി 10ന് രാവിലെയാണ് കൊറ്റി ജുമാമസ്ജിദിനു പിറകിലെ മദ്്റസയ്ക്കു സമീപം ഹക്കീമിന്റെ മൃതദേഹം കത്തിക്കരിഞ്ഞ നിലയില് കണ്ടെത്തിയത്. ഡിഎന്എ പരിശോധനയില് മൃതദേഹം ഹക്കീമിന്റേതാണെന്ന് തെളിഞ്ഞിരുന്നു.
Next Story
RELATED STORIES
രാവിലെതന്നെ വോട്ട് രേഖപ്പെടുത്തി നേതാക്കള്; പ്രതീക്ഷയോടെ മുന്നണികള്
26 April 2024 3:56 AM GMTസമസ്ത തൃശൂര് ജില്ലാ ജനറല് സെക്രട്ടറി പി ടി കുഞ്ഞുമുഹമ്മദ് മുസ്...
26 April 2024 3:37 AM GMTകേരളം ബൂത്തില്; ആദ്യ മണിക്കൂറുകളില് മികച്ച പോളിങ്
26 April 2024 3:23 AM GMTരാജ്യത്തിന്റെ വീണ്ടെടുപ്പിന് സ്ത്രീകള് വോട്ട് ചെയ്യണം: സുനിത നിസാര്
25 April 2024 6:45 PM GMTകിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMT