സംസ്ഥാനത്ത് പോളിങ് സമാധാനപരമായി തുടരുന്നു; ചിലയിടങ്ങളില്‍ മഴ ഭീഷണി

തിരുവനന്തപുരം: സംസ്ഥാനത്ത് പോളിങ് സമാധാനപരമായി തുടരുന്നു. മികച്ച പോളിങ്ങാണ് ഉച്ചവരെ രേഖപ്പെടുത്തിയിരിക്കുന്നത്. ഇരുമുന്നണികളും മൂന്നാം മുന്നണിയായ എന്‍ഡിഎയും ശുഭപ്രതീക്ഷയിലാണ്. വോട്ട് ചെയ്യാനെത്തിയ നേതാക്കളെല്ലാം വിജയ പ്രതീക്ഷ പ്രകടിപ്പിച്ചു. വടക്കന്‍ കേരളത്തിലാണ് പോളിങ് കൂടുതല്‍. തെക്കന്‍ കേരളത്തില്‍ പോളിങ് മന്ദഗതിയിലാണ്. ഭരണതുടര്‍ച്ച ഉണ്ടാകുമെന്ന് ഉമ്മന്‍ചാണ്ടിയും എല്‍ഡിഎഫ് അധികാരത്തില്‍ എത്തുമെന്ന് പിണറായിയും പറഞ്ഞു.


തൃശൂര്‍ ഒല്ലൂരില്‍ യു.ഡി.എഫ്  എല്‍.ഡി.എഫ് പ്രവര്‍ത്തകര്‍ തമ്മിലുണ്ടായ സംഘര്‍ഷത്തില്‍  രണ്ട് പേര്‍ക്ക് പരിക്കേറ്റു. കണ്ണൂരില്‍ രണ്ട് യു.ഡി.എഫ് ബൂത്ത് ഏജന്റ്മാരെ മര്‍ദ്ദിച്ചതായി പരാതിയുമുണ്ട്.

[caption id="attachment_81456" align="alignnone" width="600"] പട്ടാമ്പി മണ്ഡലം എസ്ഡിപിഐ-എസ്പി സഖ്യ സ്ഥാനാര്‍ത്ഥി സി എ റൗഫ് വോട്ട് ചെയ്യുന്നു[/caption]

സംസ്ഥാനത്തെ മിക്ക ജില്ലകളിലും മഴ തുടരുകയാണ്. എറണാകുളം, തൃശ്യൂര്‍, പാലക്കാട്, കണ്ണൂര്‍ എന്നിവടങ്ങളില്‍ കനത്ത മഴയാണ്. മഴ ഭീഷണിയുണ്ടെങ്കില്‍ കനത്ത പോളിങ്ങാണ് മിക്കയിടങ്ങളിലും.