വിധി പഠിച്ചശേഷം തീരുമാനം: മുഖ്യമന്ത്രി

കോട്ടയം: മന്ത്രി കെ ബാബുവിനെതിരായ തൃശൂര്‍ വിജിലന്‍സ് കോടതി പരാമര്‍ശം സംബന്ധിച്ച വിധി പഠിച്ചശേഷം രാജിക്കാര്യത്തില്‍ സഹപ്രവര്‍ത്തകരുമായി ആലോചിച്ചു തീരുമാനമെടുക്കുമെന്ന് മുഖ്യമന്ത്രി ഉമ്മന്‍ചാണ്ടി. കോട്ടയം മെഡിക്കല്‍ ആശുപത്രിയില്‍ ജോസ് കെ മാണി എംപിയെ സന്ദര്‍ശിച്ച ശേഷം മാധ്യമങ്ങളോടു സംസാരിക്കുകയായിരുന്നു അദ്ദേഹം.
എ കെ ആന്റണി സംസ്ഥാനത്ത് ചാരായം നിരോധിച്ച ശേഷം മദ്യ ഉപഭോഗം കുറയ്ക്കുന്ന കാര്യത്തില്‍ ധീരമായ തീരുമാനമാണ് സര്‍ക്കാര്‍ കൈക്കൊണ്ടിരിക്കുന്നത്. ഇതില്‍ അസ്വസ്ഥരായ ചിലര്‍ വിരോധം തീര്‍ക്കാര്‍ സര്‍ക്കാരിനും മന്ത്രിമാര്‍ക്കുമെതിരേ പ്രവര്‍ത്തിക്കുന്നുണ്ടാവും. മദ്യ ഉപഭോഗം കുറയ്ക്കുക എന്ന ലക്ഷ്യത്തോടെ സര്‍ക്കാര്‍ മുന്നോട്ടുപോവുമെന്നും മുഖ്യമന്ത്രി പറഞ്ഞു.