യൂറോ കപ്പ് സന്നാഹം: സ്വീഡനും ബെല്‍ജിയത്തിനും ജയം

പാരിസ്: യൂറോ കപ്പ് സന്നാഹ മല്‍സരങ്ങളില്‍ സ്വീഡനും ബെല്‍ജിയത്തിനും ജയം. വെയ്ല്‍സിനെ എതിരില്ലാത്ത മൂന്നു ഗോളുകള്‍ക്കാണ് സ്വീഡന്റെ മഞ്ഞപ്പട വാരിക്കളഞ്ഞത്. ആവേശകരമായ മല്‍സരത്തില്‍ ബെല്‍ജിയം 3-2ന് നോര്‍വെയെ മറികടക്കുകയായിരുന്നു. മറ്റൊരു മല്‍സരത്തില്‍ കരുത്തരായ ചെക് റിപബ്ലിക്കിനെ ദക്ഷിണ കൊറിയ 1-2ന് അട്ടിമറിച്ചു.
എമില്‍ ഫോസ്‌ബെര്‍ഗ് (40ാം മിനിറ്റ്), മൈക്കല്‍ ലസ്റ്റിഗ് (57), ജോണ്‍ ഗ്വിഡേറ്റി (87) എന്നിവരാണ് വെയ്ല്‍സിനെതിരേ സ്വീഡന്റെ സ്‌കോറര്‍മാര്‍.