മീനങ്ങാടി കുതിച്ചുതുടങ്ങി

മാനന്തവാടി: ജില്ലാ കായികമേളയില്‍ ആദ്യദിനം മീനങ്ങാടിയുടെ കുതിപ്പ്. 22 ഇനങ്ങള്‍ പൂര്‍ത്തിയായപ്പോള്‍ എട്ടു സ്വര്‍ണവും നാലു വെള്ളിയും മൂന്നു വെങ്കലവുമായി 55 പോയിന്റാണ് മീനങ്ങാടി ജിഎച്ച്എസ്എസ് നേടിയത്.
അഞ്ചു സ്വര്‍ണവും നാലു വെള്ളിയും മൂന്നു വെങ്കലവുമായി കാട്ടിക്കുളം ജിഎച്ച്എസ്എസാണ് രണ്ടാം സ്ഥാനത്ത്- 40 പോയിന്റ്. എക്കാലവും മീനങ്ങാടിക്കൊപ്പം നിന്ന കാക്കവയല്‍ ജിഎച്ച്എസ്എസ് 25 പോയിന്റുകളോടെ മൂന്നാം സ്ഥാനത്താണ്.
രണ്ടു വീതം സ്വര്‍ണവും വെള്ളിയുമായി 17 പോയിന്റുകളോടെ ജിഎച്ച്എസ്എസ് വടുവന്‍ചാല്‍ നാലാം സ്ഥാനത്തുണ്ട്. രണ്ടു സ്വര്‍ണവുമായി പനങ്കണ്ടി ജിഎച്ച്എസ്എസാണ് അഞ്ചാം സ്ഥാനത്ത്- 10 പോയിന്റ്. കല്ലുവയല്‍ ജയശ്രീ എച്ച്എസ്എസ്- 9, മാനന്തവാടി ജിവിഎച്ച്എസ്എസ്- 9, പടിഞ്ഞാറത്തറ ജിഎച്ച്എസ്എസ്- 7, സെന്റ് തോമസ് നടവയല്‍- 5, സുല്‍ത്താന്‍ ബത്തേരി സെന്റ് ജോസഫ്‌സ് ഇഎച്ച്എസ്എസ്- 4, തരിയോട് ജിഎച്ച്എസ്എസ്- 3, ചീരാല്‍ ജിഎംഎച്ച്എസ്എസ്- 3, എസ്‌സിഎച്ച്എസ്എസ് പയ്യംപള്ളി- 1, ജിഎംആര്‍എസ് പൂക്കോട്- 1, ജിഎച്ച്എസ്എസ് പനമരം- 1, ജിവിഎച്ച്എസ്എസ് കല്‍പ്പറ്റ- 1, എഎംഎംആര്‍ജി എച്ച്എസ്എസ് നല്ലൂര്‍നാട്- 1, ജിഎംഎച്ച്എസ്എസ് വെള്ളമുണ്ട- 1, ജിഎച്ച്എസ്എസ് മേപ്പാടി-1 പോയിന്റ് എന്നിവയാണ് അടുത്ത സ്ഥാനങ്ങളില്‍.
ഉപജില്ലാ തലത്തില്‍ 15 സ്വര്‍ണവും 14 വെള്ളിയും ആറു വെങ്കലവുമായി 123 പോയിന്റുകളോടെ സുല്‍ത്താന്‍ ബത്തേരിയാണ് ഒന്നാം സ്ഥാനത്ത്. 53 പോയിന്റുകളോടെ മാനന്തവാടി രണ്ടും 18 പോയിന്റോടെ വൈത്തിരി മൂന്നും സ്ഥാനങ്ങളിലാണ്.