ഇമാംസ് കൗണ്‍സില്‍ പ്രതിഷേധ സംഗമം നാളെ

പത്തനംതിട്ട: ഓള്‍ ഇന്ത്യ ഇമാംസ് കൗണ്‍സില്‍ ബാബരി നിര്‍മാണമാണ് നീതി എന്ന പ്രമേയവുമായി ദേശവ്യാപകമായി സംഘടിപ്പിക്കുന്ന പ്രതിഷേധ സംഗമത്തിന്റെ ഭാഗമായി ജില്ലാ കമ്മിറ്റി നാളെ  വൈകീട്ട് മൂന്നിന് പത്തനംതിട്ട പോസ്റ്റോഫിസിന് സമീപം പ്രതിഷേധ സംഗമം നടത്തുന്നു. പരിപാടി ദേശീയ ന്യൂനപക്ഷ മേല്‍നോട്ട സമിതിയംഗം തൈക്കൂട്ടത്തില്‍ സക്കീര്‍ ഉദ്ഘാടനം ചെയ്യും. ഇമാംസ് കൗണ്‍സില്‍ സംസ്ഥാന സമിതിയംഗം അല്‍-ഹാഫിസ് അഫ്‌സല്‍ ഖാസിമി മുഖ്യപ്രഭാഷണം നടത്തുമെന്ന് ജില്ലാ പ്രസിഡന്റ് അബ്ദുര്‍ റസാഖ് മന്നാനി, സെക്രട്ടറി അബ്ദുസ്സലാം അല്‍-ഖാസിമി അറിയിച്ചു.