ആതിരപ്പിള്ളി പദ്ധതിക്കെതിരേ ചുംബനസമരവുമായി സംരക്ഷണസമിതി

ചാലക്കുടി:അതിരപ്പള്ളി പദ്ധതിക്കെതിരേ അതിരപ്പിള്ളി സംരക്ഷണ സമിതിയുടെ നേതൃത്വത്തില്‍ മരങ്ങളെ പ്രതീകാത്മകമായി ചുംബിച്ചുകൊണ്ടുള്ള സമരം നടന്നു.
അതിരപ്പിള്ളി പദ്ധതിയുടെ തറക്കില്ലുടുവാന്‍ ഒരു ശക്തിയെയും അനുവദിക്കില്ലെന്ന് മൂന്നാര്‍ പെമ്പിളൈ ഒരുമ നേതാവ് ലിസി സണ്ണി പറഞ്ഞു. അതിരപ്പള്ളി സമരത്തിന് പെമ്പിളൈ ഒരുമയുടെ എല്ലാ പിന്തുണയും ഉണ്ടായിരിക്കുമെന്നും ലിസി സണ്ണി പറഞ്ഞു. അതിരപ്പിള്ളിയില്‍ പാര്‍ക്കിങ്ങ് ഏരിയയിലുള്ള മരങ്ങളെ ചുംബിച്ചാണ് സമരം നടത്തിയത്. വിവിധ പാര്‍ട്ടി നേതാക്കളായ ഷോണ്‍ പല്ലിശ്ശേരി, പി എം പുഷ്പാംഗദന്‍, അതിരപ്പിള്ളി സമര നായിക അമ്മിണി, കെ ശിവരാമന്‍, പോള്‍ ആന്റണി, കെ ജെ തോമാസ്,വി എം ടെന്‍സണ്‍, ജോസ് വടക്കുംമ്പാടന്‍, രാജേഷ് അപ്പാട്ട് തുടങ്ങിയവര് സംസാരിച്ചു. നൂറുക്കണക്കിനുപേര്‍ ചുംബന സമരത്തില്‍ പങ്കെടുത്തു. അതേസമയം പോലിസിന്റെ അനുമതിയില്ലാതെ സമരം നടത്തിയത്തിന് കണ്ടാല്‍ അറിയുന്ന അമ്പതുപേര്‍ക്കെതിരെ അതിരപ്പിള്ളി പോലിസ് കേസെടുത്തു.