ഹിന്ദുക്കള്‍ക്ക് ന്യൂനപക്ഷ പദവി അനുവദിക്കണമെന്ന് ഹരജി

ന്യൂഡല്‍ഹി: രാജ്യത്തെ എട്ടു സംസ്ഥാനങ്ങളില്‍ ഹിന്ദുക്കള്‍ക്ക് ന്യൂനപക്ഷ പദവി അനുവദിക്കണമെന്നാവശ്യപ്പെട്ടു സുപ്രിംകോടതിയില്‍ പൊതുതാല്‍പര്യ ഹരജി. ഹിന്ദുമതവിശ്വാസികള്‍ ന്യൂനപക്ഷമായ ജമ്മുകശ്മീര്‍, പഞ്ചാബ്, മേഘാലയ, മിസോറാം, നാഗാലാന്‍ഡ്, അരുണാചല്‍പ്രദേശ്, മണിപ്പൂര്‍ എന്നീ സംസ്ഥാനങ്ങളിലും ലക്ഷദ്വീപിലും ഹിന്ദുക്കള്‍ക്ക് ന്യൂനപ—ക്ഷ പദവിയും അവരുടെ ന്യായമായ ആനുകൂല്യങ്ങളും അനുവദിക്കണമെന്നാണ് ഹരജിയില്‍ ആവശ്യപ്പെടുന്നത്.സുപ്രിംകോടതി അഭിഭാഷകനും ബിജെപി സംസ്ഥാന വക്താവുമായ അശ്വിനി കുമാര്‍ ഉപാധ്യായയാണ് ഹരജി നല്‍കിയിരിക്കുന്നത്.