സ്‌ഫോടനം : രണ്ടാംഘട്ട വിധി ഇന്നുണ്ടായേക്കും

മുംബൈ: 1993 മുംബൈയിലുണ്ടായ സ്‌ഫോടന പരമ്പരയുടെ രണ്ടാംഘട്ട വിചാരണയുടെ വിധി ടാഡ കോടതി ഇന്ന് പ്രഖ്യാപിച്ചേക്കും. അബുസലീം അടക്കം ഏഴ് പേരാണ് കേസിലെ പ്രതികള്‍. 2007ല്‍ മുംബൈ ടാഡ കോടതി ഈ കേസിന്റെ പ്രധാന വിധി പ്രഖ്യാപിച്ചിരുന്നു. അന്ന് 100 പേരെ ശിക്ഷിക്കുകയും 27 പേരെ വെറുതെവിടുകയും ചെയ്തു. ആദ്യഘട്ട വിചാരണ തീരാറായപ്പോഴാണ് അബുസലീമും മറ്റു പ്രതികളും അറസ്റ്റിലായത്. സ്‌ഫോടന പരമ്പരയില്‍ 257 പേരാണു മരിച്ചത്. 713 പേര്‍ക്കു ഗുരുതരമായി പരിക്കേറ്റു.