സ്കൂള് വിദ്യാര്ഥിയെ മര്ദ്ദിച്ചതായി പരാതി
BY Sumeera SMR10 Jan 2016 5:28 AM GMT
Sumeera SMR10 Jan 2016 5:28 AM GMT
പുനലൂര്: സ്കൂള് വിദ്യാര്ഥിയെ നാലംഗസംഘം മര്ദ്ദിച്ചതായി പരാതി. പ്ലസ് വണ് വിദ്യാര്ഥി പുനലൂര് പേപ്പര്മില് ഗോകുലത്തില് രമേശിന്റെ മകന് അമേഷ് (17) നാണ് മര്ദനമേറ്റത്.ഐക്കരക്കോണം എസ്എന് ട്രസ്റ്റ് ഹയര് സെക്കന്ഡറി സ്കൂള് വിദ്യാര്ഥിയായ അമേഷിനെ കഴിഞ്ഞദിവസം വൈകീട്ട് സ്കൂളില് നിന്നിറങ്ങുമ്പോഴാണ് നാലംഗസംഘം മര്ദ്ദിച്ചത്. പരിക്കേറ്റ വിദ്യാര്ഥി പുനലൂര് താലൂക്കാശുപത്രിയില് ചികില്സയിലാണ്. രണ്ടാഴ്ചമുമ്പ് അമേഷിന്റെ ഒരു സുഹൃത്തിനെ അക്രമിസംഘം മര്ദ്ദിക്കാന് ശ്രമിച്ചത് അമേഷ് ഇടപെട്ട് തടയുകയുണ്ടായി. ഇതിലുണ്ടായ വിരോധമാണ് അക്രമണത്തിന് പിന്നിലെന്നാണ് പറയപ്പെടുന്നത്. രണ്ട് ബൈക്കുകളിലായെത്തിയ സംഘമാണ് അമേഷിനെ തടഞ്ഞുനിര്ത്തിയശേഷം ക്രൂരമായി മര്ദ്ദിച്ചത്. കവിളില് അടിക്കുകയും തറയിലിട്ട് ചവിട്ടുകയും ചെയ്ത സംഘം മൂക്കിലിടിച്ച് പരിക്കേല്പ്പിക്കുകയും ചെയ്തു. മൂക്കില് നിന്നും രക്തം ഒഴുകുന്നതുകണ്ട് തന്നെ തള്ളിയിട്ടശേഷം സംഘം രക്ഷപ്പെടുകയായിരുന്നുവെന്ന് അമേഷ് പറയുന്നു. തന്നെ ഉപദ്രവിക്കുന്നത് ചില സഹപാഠികള് കണ്ടതായും അമേഷ് പറഞ്ഞു. പ്രതികള് മദ്യലഹരിയിലായിരുന്നതായും പറയപ്പെടുന്നു. സുഹൃത്തുക്കളാണ് അമേഷിനെ വീട്ടിലെത്തിച്ചത്. തുടര്ന്ന് ആശുപത്രിയിലെത്തിച്ചശേഷം പോലിസില് പരാതിയും നല്കി.
Next Story
RELATED STORIES
മഹാരാഷ്ട്ര സ്വദേശിയെ അക്രമിച്ച് 1.75 കോടി രൂപയുടെ സ്വര്ണം കവര്ന്നു
4 May 2024 5:05 PM GMTകെഎസ്ആര്ടിസി ബസ് തടഞ്ഞ സംഭവം: മേയര് ആര്യക്കും സച്ചിന്ദേവിനുമെതിരെ...
4 May 2024 4:52 PM GMTമലയാളികളടക്കം ജീവനക്കാരെ സ്വതന്ത്രരാക്കിയെന്ന് ഇറാൻ; വിട്ടയക്കാതെ...
4 May 2024 10:53 AM GMTവയനാട് നെയ്ക്കുപ്പയിൽ വീട്ടിലേക്കുള്ള വഴിയിൽ നിർത്തിയിട്ട കാറും...
4 May 2024 10:50 AM GMTഅരളിപ്പൂവിൽ വിഷാംശം ഉണ്ടെന്ന് റിപ്പോർട്ട് കിട്ടിയിട്ടില്ലെന്ന് ...
4 May 2024 10:46 AM GMTരോഹിത് വെമുല കേസ് ; പുനരന്വേഷണം നടത്തും
4 May 2024 10:44 AM GMT