സൈമണ് മാസ്റ്റര്, വാദം പൂര്ത്തിയായി
BY kasim kzm10 April 2018 2:45 AM GMT
kasim kzm10 April 2018 2:45 AM GMT
കൊച്ചി: ഇസ്ലാം മതം സ്വീകരിച്ച ഇ സി സൈമണ് മാസ്റ്റര് എന്ന മുഹമ്മദ് ഹാജിയുടെ മൃതദേഹം ഇസ്ലാമിക നിയമപ്രകാരം സംസ്കരിക്കാന് തൃശൂര് മെഡിക്കല് കോളജില് നിന്ന് വിട്ടു നല്കണമെന്ന് ആവശ്യപ്പെട്ട് സമര്പ്പിച്ച ഹരജിയിലെ വാദം പൂര്ത്തിയായി. സിംഗിള് ബെഞ്ച് ഹരജി വിധി പറയാന് മാറ്റി. കൊടുങ്ങല്ലൂര് കാര മതിലകം മഹല്ല് ജമാഅത്ത് കമ്മിറ്റി പ്രസിഡന്റ് അബ്ദുല് മജീദ് സമര്പ്പിച്ച ഹരജിയാണ് കോടതിയുടെ പരിഗണനയിലുള്ളത്. സ്കൂള് അധ്യാപകനും ബൈബിള് പണ്ഡിതനുമായ സൈമണ് മാസ്റ്റര് ഇസ്ലാം മതം സ്വീകരിച്ചിരുന്നതായി ഹരജി പറയുന്നു. ഇസ്ലാം സ്വീകരിച്ച ശേഷം ഇ സി മുഹമ്മദ് എന്ന പേര് സ്വീകരിച്ചു. ഹജ്ജ് തീര്ത്ഥാടനത്തിന് ശേഷം മുഹമ്മദ് ഹാജിയെന്നാണ് അറിയപ്പെട്ടിരുന്നത്. മഹല്ല് കമ്മിറ്റിയില് അംഗത്വവും നേടി. തന്റെ മൃതദേഹം ഇസ്ലാമിക നിയമപ്രകാരം കാര മതിലകം മഹല്ല് ജമാഅത്ത് പള്ളി ഖബറിസ്ഥാനില് സംസ്കരിക്കണമെന്ന് 2000 സപ്തംബര് എട്ടിന് സൈമണ് മാസ്റ്റര് രേഖാമൂലം എഴുതിയിരുന്നതായി ഹരജി പറയുന്നു. എന്നാല്, ചികില്സയിലിരിക്കെ 2018 ജനുവരി 27ന് അദ്ദേഹം മരിച്ചു. ചികില്സാ കാലത്ത് അദ്ദേഹത്തിന് ഓര്മ കുറവുണ്ടായിരുന്നു. ഈ സന്ദര്ഭം മുതലെടുത്ത് എതിര്കക്ഷികളായ ഭാര്യയും മക്കളും മൃതദേഹം തൃശൂര് മെഡിക്കല് കോളജിന് നല്കണമെന്ന് സൈമണ് മാസ്റ്റര് പറഞ്ഞതായി ഒരു രേഖ വ്യാജമായി പടച്ചുണ്ടാക്കിയതായി ഹരജിക്കാരന് ആരോപിക്കുന്നു. അതേസമയം, ഹരജിക്കാരന്റെ വാദങ്ങളെ സൈമണ് മാസ്റ്ററുടെ കുടുംബം ശക്തമായി എതിര്ത്തു
Next Story
RELATED STORIES
കൊല്ക്കത്തയില് മോഹന് ബഗാന് വീണു; ഐഎസ്എല് കിരീടം മുംബൈ...
4 May 2024 4:46 PM GMTമലയാളികളടക്കം ജീവനക്കാരെ സ്വതന്ത്രരാക്കിയെന്ന് ഇറാൻ; വിട്ടയക്കാതെ...
4 May 2024 10:53 AM GMTവയനാട് നെയ്ക്കുപ്പയിൽ വീട്ടിലേക്കുള്ള വഴിയിൽ നിർത്തിയിട്ട കാറും...
4 May 2024 10:50 AM GMTഅരളിപ്പൂവിൽ വിഷാംശം ഉണ്ടെന്ന് റിപ്പോർട്ട് കിട്ടിയിട്ടില്ലെന്ന് ...
4 May 2024 10:46 AM GMTരോഹിത് വെമുല കേസ് ; പുനരന്വേഷണം നടത്തും
4 May 2024 10:44 AM GMTആറളം ഫാമിലെ വീടിന്റെ അടുക്കള ഭാഗം കാട്ടാന തകര്ത്തു
4 May 2024 10:37 AM GMT