സൂര്യനും ഭൂമിക്കുമിടയിലൂടെ ബുധന്
BY midhuna mi.ptk10 May 2016 5:49 AM GMT
midhuna mi.ptk10 May 2016 5:49 AM GMT
ന്യൂയോര്ക്ക്: സൗരയൂഥത്തിലെ ഏറ്റവും ചെറിയ ഗ്രഹം ബുധന് ഇന്നലെ സൂര്യനും ഭൂമിക്കുമിടയിലൂടെ കടന്നുപോയി. പത്തുവര്ഷത്തിനിടെ ആദ്യമായിട്ടാണ് ബുധസംതരണം (ട്രാന്സിറ്റ് ഓഫ് മെര്ക്കുറി) എന്ന പ്രതിഭാസം നടന്നത്. ഇന്ത്യയടക്കമുള്ള ഏഷ്യന് രാജ്യങ്ങളിലും യൂറോപ്പിലും അമേരിക്കന് ഭൂഖണ്ഡങ്ങള് ആഫ്രിക്ക എന്നിവിടങ്ങളിലും പ്രതിഭാസം ദൃശ്യമായി. സംതരണത്തെത്തുടര്ന്ന് തെക്കേ അമേരിക്ക, ആഫ്രിക്ക, കിഴക്കന് യൂറോപ്പ്, വടക്കേ അമേരിക്കയുടെ കിഴക്കന് മേഖലകള് എന്നിവിടങ്ങളില് ബുധന്റെ നിഴല് പതിഞ്ഞു. 100 വര്ഷത്തില് 13 തവണ മാത്രമാണ് ഈ പ്രതിഭാസം സംഭവിക്കുക. 2006ലാണ് ഇതിനുമുമ്പ് ബുധസംതരണമുണ്ടായത്. ഇനിയുണ്ടാവുക 2019ലും. ബൈനോക്കുലറുകളോ ടെലിസ്കോപോ ഇല്ലാതെ പ്രതിഭാസം ദൃശ്യമാവില്ലെന്നും സംതരണം ദൃശ്യമാകുന്നതിനായി സൂര്യനിലേക്കു നേരിട്ടു നോക്കുന്നത് കണ്ണിനു ക്ഷതമുണ്ടാക്കുമെന്നും ശാസ്ത്രജ്ഞര് മുന്നറിയിപ്പു നല്കിയിരുന്നു. ലോകത്തെ വിവിധ ജ്യോതിശ്ശാസ്ത്ര കേന്ദ്രങ്ങള് സംതരണം വീക്ഷിക്കുന്നതിനായി സൗകര്യങ്ങള് ഒരുക്കിയിരുന്നു. നാസയും യൂറോപ്യന് ബഹിരാകാശ ഏജന്സിയും ബുധന്റെ ചലനത്തിന്റെ ദൃശ്യങ്ങള് ഓണ്ലൈനിലൂടെ തല്സമയം പ്രദര്ശിപ്പിച്ചു.
Next Story
RELATED STORIES
അമേരിക്കയിൽ ഇലക്ട്രിക് കാർ മരത്തിലിടിച്ച് കത്തി മലയാളി കുടുംബത്തിലെ...
26 April 2024 7:59 PM GMTഎന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMT