സിപിഐ 23ാം പാര്‍ട്ടി കോണ്‍ഗ്രസ്സിന് നാളെ കൊടിയേറും

കൊല്ലം: സിപിഐ 23ാം പാര്‍ട്ടി കോണ്‍ഗ്രസ്സിന് കൊല്ലത്ത് നാളെ ചെങ്കൊടി ഉയരും. സമ്മേളനത്തിന്റെ ഒരുങ്ങള്‍ പൂര്‍ത്തിയായതായി സംസ്ഥാന സെക്രട്ടറി കാനം രാജേന്ദ്രന്‍ വാര്‍ത്താസമ്മേളനത്തില്‍ അറിയിച്ചു.  26ന് രാവിലെ 10ന് ആശ്രാമം യൂനുസ് കണ്‍വന്‍ഷന്‍ സെന്ററിലെ എ ബി ബര്‍ധന്‍ നഗറില്‍ മുതിര്‍ന്ന കമ്മ്യൂണിസ്റ്റ് നേതാവും കേന്ദ്ര കണ്‍ട്രോള്‍ കമ്മീഷന്‍ അംഗവുമായ സി എ കുര്യന്‍ പതാക ഉയ ര്‍ത്തും. 27, 28 തിയ്യതികളില്‍ റിപോര്‍ട്ടുകളിന്മേല്‍ പൊതുചര്‍ച്ചനടക്കും. 28ന് ഉച്ചയ്ക്ക് ശേഷം ജനറല്‍ സെക്രട്ടറിയുടെ മറുപടിയെ തുടര്‍ന്ന് റിപോര്‍ട്ടുകള്‍ അംഗീകരിക്കും. 29ന് രാവിലെ പുതിയ ദേശീയ കൗണ്‍സിലിനെയും കണ്‍ട്രോള്‍ കമ്മീഷനെയും തിരഞ്ഞെടുക്കും.