ശ്രീവല്സം ഗ്രൂപ്പ് ബന്ധത്തെച്ചൊല്ലി രാഷ്ട്രീയപ്പോര്
BY fousiya sidheek14 Jun 2017 4:36 AM GMT
fousiya sidheek14 Jun 2017 4:36 AM GMT
ആലപ്പുഴ: അനധികൃത സ്വത്തുസമ്പാദനവുമായി ബന്ധപ്പെട്ട് വിവാദത്തിലായ ശ്രീവല്സം ഗ്രൂപ്പുമായുള്ള ബന്ധത്തെച്ചൊല്ലി രാഷ്ട്രീയപ്പാര്ട്ടികള് തമ്മില് പോര് മുറുകുന്നു.ശ്രീവല്സം ഗ്രൂപ്പിന്റെ ഹരിപ്പാട്ടെ ഇടപാടുകളില് കേരളത്തിലെ മുന്മന്ത്രിക്കും രാഷ്ട്രീയ, സാമുദായിക നേതാക്കള്ക്കുമുള്ള പങ്ക് അന്വേഷിക്കണമെന്ന് സിപിഐ ജില്ലാ സെക്രട്ടറി ടി ജെ ആഞ്ചലോസ് ആവശ്യപ്പെട്ടിരുന്നു. ഹരിപ്പാട് മെഡിക്കല് കോളജിന്റെ നിര്മാണ പ്രവര്ത്തനങ്ങളില് ശ്രീവല്സം ഗ്രൂപ്പിന് പങ്കുണ്ടെന്നാണു പുറത്തുവരുന്ന വിവരമെന്നും ആഞ്ചലോസ് പറയുന്നു. മാനദണ്ഡങ്ങള് ലംഘിച്ചാണ് ഗ്രൂപ്പിന്റെ പല സ്ഥാപനങ്ങളും പ്രവര്ത്തിക്കുന്നതെന്നും ഇതിന് അനുമതി നല്കിയത് യുഡിഎഫ് ഭരിക്കുന്ന നഗരസഭയാണെന്നും ഇത്തരം വിഷയങ്ങളെക്കുറിച്ച് സമഗ്ര അന്വേഷണം വേണമെന്നും ആഞ്ചലോസ് ആവശ്യപ്പെട്ടു. അതേസമയം സിപിഐയുടെ ആരോപണങ്ങള് അടിസ്ഥാന രഹിതമാണെന്നാണ് കോണ്ഗ്രസ് ആലപ്പുഴ ജില്ലാ കമ്മിറ്റിയുടെ നിലപാട്. ഏതു മന്ത്രിയാണ് ഇടപാടുകളില് ബന്ധപ്പെട്ടത് എന്ന് പറയാനുള്ള ചങ്കൂറ്റം സിപിഐ ജില്ലാ സെക്രട്ടറി കാണിക്കണമെന്ന് ഡിസിസി പ്രസിഡന്റ് എം ലിജു പറഞ്ഞു. കോണ്ഗ്രസ്സിനല്ല മറിച്ച് സിപിഎം സിപിഐ പ്രാദേശിക നേതാക്കള്ക്കാണു ഇടപാടുകളുമായി ബന്ധമെന്നും ലിജു ആരോപിച്ചു. വിഷയത്തില് ഇതുവരെ പ്രതികരിച്ചിട്ടില്ലെങ്കിലും കരുതലോടെയുള്ള നീക്കമാണ് സിപിഎം നടത്തുന്നത്. ശ്രീവല്സം ഗ്രൂപ്പുമായി പ്രാദേശിക നേതാക്കള്ക്കു ബന്ധമുണ്ടെന്ന ആരോപണം സംബന്ധിച്ചുള്ള അന്വേഷണത്തിലേക്ക് സിപിഎം നീങ്ങുന്നതാണു വിവരം. ശ്രീവല്സം ബന്ധം സംബന്ധിച്ച് സിപിഎമ്മും സിപിഐയും തമ്മില് പ്രാദേശികമായി നേരത്തെ അഭിപ്രായഭിന്നതകളുണ്ടായിരുന്നു.
Next Story
RELATED STORIES
നരേന്ദ്ര ദബോല്ക്കറിനെ വെടിവച്ചു കൊന്ന കേസ്: രണ്ട് ഹിന്ദുത്വര്ക്ക്...
10 May 2024 9:21 AM GMTഅരവിന്ദ് കെജ് രിവാളിന് ഇടക്കാല ജാമ്യം
10 May 2024 9:00 AM GMTഅഹമ്മദാബാദിലെ ദര്ഗ ആക്രമിച്ച് കാവിക്കൊടി കെട്ടി ഹിന്ദുത്വ വാദികള്
10 May 2024 8:49 AM GMTകെജ് രിവാളിന്റെ ജാമ്യ ഹരജിയിൽ സുപ്രിംകോടതി വിധി ഇന്ന്
10 May 2024 5:23 AM GMTമുംബൈ-പൂനെ എക്സ്പ്രസ് വേയില് അപകടം; മൂന്ന് മരണം
10 May 2024 5:22 AM GMTഅയോധ്യയില് രാം ലല്ലയെ കണ്ടുവണങ്ങി ഗവര്ണര് ആരിഫ് മുഹമ്മദ് ഖാന്
9 May 2024 2:15 PM GMT