വേങ്ങരയിലെ ഇളക്കി മറിച്ച് അഡ്വ. നസീറിന്റെ റോഡ് ഷോ

വേങ്ങര: വേങ്ങര ഉപതിരഞ്ഞെടുപ്പു പ്രചാരണത്തിന്റെ കൊട്ടിക്കലാശത്തോടനുബന്ധിച്ച് എസ്ഡിപിഐ സ്ഥാനാര്‍ഥിയായ അഡ്വ. നസീര്‍ വേങ്ങരയില്‍ നടത്തിയ റോഡ് ഷോ ശ്രദ്ധേയമായി. രാവിലെ 9 മണിക്ക് ഒതുക്കുങ്ങല്‍ പഞ്ചായത്തില്‍ നിന്ന് പ്രയാണമാരംഭിച്ച റോഡ് ഷോ പറപ്പൂര്‍ പഞ്ചായത്തില്‍ പര്യടനം നടത്തിയാണ് വേങ്ങരയില്‍ എത്തിയത്. വൈകുന്നേരം 5 മണിക്ക് വേങ്ങര ജനത ബസാറില്‍ നിന്നാരംഭിച്ച റോഡ് ഷോയില്‍ സംസ്ഥാന പ്രസിഡന്റ് പി.അബ്ദുല്‍ മജീദ് ഫൈസിയും അണിചേര്‍ന്നു. സംസ്ഥാന സെക്രട്ടറി റോയ് അറക്കല്‍, സംസ്ഥാന സെക്രട്ടറിയേറ്റംഗം കെകെ അബ്ദുല്‍ ജബ്ബാര്‍, ജില്ല പ്രസിഡന്റ് ജലീല്‍ നീലാമ്പ്ര, വൈസ് പ്രസിഡന്റ് അഡ്വ. സാദിഖ് നടുത്തൊടി, വിടി ഇക്‌റാമുല്‍ ഹഖ്, ജനറല്‍ സെക്രട്ടറി എകെ മജീദ്, സെക്രട്ടറിമാരായ ബാബുമണി, കൃഷ്ണന്‍ എരഞ്ഞിക്കല്‍, ഷൗക്കത്ത് കരുവാരക്കുണ്ട്, ട്രഷറര്‍ സൈതലവി ഹാജി, ഇലക്ഷന്‍ കമ്മിറ്റി ഭാരവാഹികളായ ബീരാന്‍ കുട്ടി അരീക്കന്‍, കല്ലന്‍ അബൂബക്കര്‍ മാസ്റ്റര്‍, അബ്ദുല്‍ ബാരി, ഷെരീഖാന്‍, മുസ്തഫ കുന്നുംപുറം, ബഷീര്‍ എടക്കാപറമ്പ് തുടങ്ങിയവര്‍ നേതൃത്വം നല്‍കി.







[related]