മാധ്യമപ്രവര്‍ത്തകര്‍ക്ക്‌ വേണ്ടി ഹാജരായ അഭിഭാഷകര്‍ക്ക് സസ്‌പെന്‍ഷന്‍

തിരുവനന്തപുരം: മാധ്യമപ്രവര്‍ത്തകരുടെ കേസ് വാദിച്ച അഭിഭാഷകര്‍ക്കു നേരെ ബാര്‍ അസോസിയേഷന്റെ പ്രതികാര നടപടി. വിവിധ കേസുകളില്‍ മാധ്യമപ്രവര്‍ത്തകര്‍ക്കായി വക്കാലത്ത് ഏറ്റെടുത്ത അഭിഭാഷകരെ ബാര്‍ അസോസിയേഷന്‍ സസ്‌പെന്‍ഡ് ചെയ്തു. അഡ്വ. കീര്‍ത്തി ഉമ്മന്‍ രാജന്‍, അഡ്വ. പേട്ട ജെ സനല്‍കുമാര്‍, അഡ്വ. ശാസ്തമംഗലം എസ് അജിത്കുമാര്‍, അഡ്വ. ശിഹാബുദ്ദീന്‍ കാരിയത്ത്, അഡ്വ. ജി എസ് പ്രകാശ്, അഡ്വ. ബി പ്രദീപ്കുമാര്‍, അഡ്വ. ശ്രീജ ശശിധരന്‍, അഡ്വ. എസ് ജോഷി ആന്റ്, അഡ്വ. എന്‍ ബിനു എന്നീ ഒമ്പത് അഭിഭാഷകരെയാണ് അസോസിയേഷന്റെ പ്രാഥമിക അംഗത്വത്തില്‍നിന്നും സസ്‌പെന്‍ഡ് ചെയ്തത്.