മണിയാര് ഡാമിന് സുരക്ഷാപ്രശ്നങ്ങളില്ല; ആശങ്ക വേണ്ടെന്ന് അധികൃതര്
BY kasim kzm3 Sep 2018 1:14 AM GMT
kasim kzm3 Sep 2018 1:14 AM GMT
തിരുവനന്തപുരം: പത്തനംതിട്ട ജില്ലയിലെ മണിയാര് ഡാം സുരക്ഷിതമാണെന്നും ആശങ്കപ്പെടേണ്ട സാഹചര്യമില്ലെന്നും ജലസേചന വകുപ്പ് അധികൃതര് അറിയിച്ചു. അതിതീവ്രമഴയിലും വെള്ളപ്പൊക്കത്തിലും ഡാമിനും അനുബന്ധ നിര്മിതികള്ക്കും ചില കേടുപാടുകള് സംഭവിച്ചിട്ടുണ്ടെങ്കിലും ഇവ ഡാമിന്റെ സുരക്ഷയെ ബാധിക്കുന്നതല്ല. കേടുപാടുകള് പരിഹരിക്കുന്നതിന് അടിയന്തര നടപടികള് സ്വീകരിച്ചുവരുകയാണെന്ന് ഇറിഗേഷന് ഡിസൈന് ആന്റ് റിസര്ച്ച് ബോര്ഡ് ചീഫ് എന്ജിനീയര് അറിയിച്ചു. പമ്പ ജലസേചനപദ്ധതിയുടെ ഭാഗമായ മണിയാര് ഡാം കഴിഞ്ഞ ദിവസം വകുപ്പിലെ ഉന്നത ഉദ്യോഗസ്ഥര് സന്ദര്ശിച്ച് കേടുപാടുകള് വിലയിരുത്തി. അഞ്ച് സ്പില്വേകളില് ഒന്നിന്റെ ഉപരിതലത്തിലെ ഫേസിങ് കല്ലുകള് ഇളകിയിട്ടുണ്ട്. ഡാമിന് താഴെ ഇടതു ഗൈഡ്വാളിന്റെ അടിഭാഗത്തെ കെട്ട് ഇളകി മണ്ണൊലിച്ചിട്ടുണ്ട്. രണ്ടു സ്പില്വേ ഷട്ടറുകളുടെ ബോഗി വീലുകളും തകരാറിലായിട്ടുണ്ട്. ജലസംഭരണിയില് നിന്നു ജലവിതരണത്തിനുള്ള കനാല് തുടങ്ങുന്നിടത്തെ ബൈല്മൗത്തിന്റെ ഭിത്തികള് ഇടിയുകയും ട്രാഷ് റാക്കിന് സ്ഥാനചലനം ഉണ്ടാവുകയും ചെയ്തിട്ടുണ്ട്. ഡാമിന് താഴെയുള്ള നദീസംരക്ഷണഭിത്തിക്കും കേടുപാട് സംഭവിച്ചു. എന്നാല്, ഇവയൊന്നും ഡാമിന് സുരക്ഷാപ്രശ്നങ്ങള് ഉണ്ടാക്കുന്നില്ല. തുലാവര്ഷത്തിനും അടുത്ത ജലവിതരണ സീസണും മുമ്പ് കേടുപാടുകള് പരിഹരിക്കുമെന്നും അധികൃതര് അറിയിച്ചു.
Next Story
RELATED STORIES
കള്ളന്മാർക്ക് രക്ഷപ്പെടാൻ പഴുതുകളുള്ള ജനാധിപത്യം, ഇന്ത്യ അടുത്തൊന്നും...
26 April 2024 8:00 AM GMTമതേതര ഇന്ത്യയെ കാക്കാനും വർഗീയത എതിർക്കാനും ജനം എൽഡിഎഫിനൊപ്പം...
26 April 2024 7:58 AM GMTകോഴിക്കോട് യുവാവിന് കുത്തേറ്റു; ആക്രമണത്തിന് പിന്നില് ബിജെപിയെന്ന്...
26 April 2024 7:57 AM GMTജയിലില് കഴിയുന്ന നേതാക്കളെ താരപ്രചാരകരാക്കി എഎപി; കെജ്രിവാളിന്റെ...
26 April 2024 7:03 AM GMTകേന്ദ്ര-സംസ്ഥാന സർക്കാരുകളോടുള്ള പ്രതിഷേധം തിരഞ്ഞെടുപ്പിൽ...
26 April 2024 6:46 AM GMTരാജ്യത്തുടനീളം കോണ്ഗ്രസ് അനുകൂല സാഹചര്യമെന്ന് ജയറാം രമേശ്
26 April 2024 6:29 AM GMT