ബ്രസീലിയന് ഗ്രാന്റ് പ്രീ കിരീടം വെറ്റലിന്
BY eyaz ev sports13 Nov 2017 5:04 PM GMT
X
eyaz ev sports13 Nov 2017 5:04 PM GMT
റിയോ ഡി ജെനീറോ: ഫോര്മുല വണ് കാറോട്ട പോരാട്ടത്തിന്റെ ബ്രസീലിയന് ഗ്രാന്റ്പ്രീ കിരീടം ഫെരാരിയുടെ സെബാസ്റ്റ്യന് വെറ്റലിന്. മുഖ്യ എതിരാളിയായ മെഴ്സിഡസിന്റെ ലൂയിസ് ഹാമിള്ട്ടണെ നാലാം സ്ഥാനത്തേക്ക് പിന്തള്ളിയാണ് വെറ്റല് കിരീടം ചൂടിയത്. ഒരു മണിക്കൂര് 31 മിനിറ്റ് 26.260 സെക്കന്റ് സമയംകൊണ്ടാണ് വെറ്റല് മല്സരം പൂര്ത്തിയാക്കിയത്. വെറ്റലുമായി ഇഞ്ചോടിഞ്ച് പൊരുതിയ മെഴ്സിഡസിന്റെ വള്ട്ടേരി ബോത്താസ് രണ്ടാം സ്ഥാനത്തും ഫിനിഷ് ചെയ്തു. 1.31.29.022 സമയം കുറിച്ചാണ് ബോത്താസ് രണ്ടാംസ്ഥാനം നേടിയത്. ഫെരാരിയുടെ കിമി റെയ്ക്കോനാനാണ് മൂന്നാംസ്ഥാനം. റെഡ്ബുള്ളിന്റെ മാക്സ് വെസ്തപ്പാന് അഞ്ചാം സ്ഥാനത്തും റെഡ്ബുള്ളിന്റെ തന്നെ ഡാനിയല് റിക്കിയാര്ഡോ ആറാം സ്ഥാനത്തും മല്സരം പൂര്ത്തിയാക്കി. വില്യംസിന്റെ ഫിലിപ്പ് മാസ, മക്ലാരന്റെ ഫെര്ണാണ്ടോ അലോന്സോ, ഫോഴ്സ് ഇന്ത്യയുടെ സെര്ജിയോ പെരേസ്, റെനോള്ട്ടിന്റെ നിക്കോ ഹള്ക്കന്ബര്ഗ് എന്നിവരാണ് യഥാക്രമം ഏഴ് മുതല് 10 വരെ സ്ഥാനങ്ങളിലുള്ളത്.സീസണിലെ ചാംപ്യന്പട്ടം നേരത്തെ തന്നെ ഹാമിള്ട്ടണ് അക്കൗണ്ടിലാക്കിയിരുന്നു. 345 പോയിന്റുകളാണ് ഹാമിള്ട്ടണിന്റെ സമ്പാദ്യം. സെബാസ്റ്റ്യന് വെറ്റല് 302 പോയിന്റുകളോടെ രണ്ടാംസ്ഥാനത്ത് നില്ക്കുമ്പോള് മെഴ്സിഡസിന്റെ തന്നെ വള്ട്ടേരി ബോത്താസ് 280 പോയിന്റുകളോടെ മൂന്നാം സ്ഥാനത്തുമുണ്ട്. റെഡ്ബുള്ളിന്റെ ഡാനിയല് റിക്കിയാര്ഡോ (200), ഫെരാരിയുടെ കിമി റെയ്ക്കോനാന് (193), റെഡ്ബുള്ളിന്റെ മാക്സ് വെസ്തപ്പാന് (158) എന്നിവരാണ് യഥാക്രമം നാല് മുതല് ആറ് സ്ഥാനങ്ങളിലുള്ളത്.
Next Story
RELATED STORIES
പാപിക്കൊപ്പം ശിവന് ചേര്ന്നാല് ശിവനും പാപിയാവും, സൗഹൃദങ്ങളില്...
26 April 2024 4:28 AM GMTരാവിലെതന്നെ വോട്ട് രേഖപ്പെടുത്തി നേതാക്കള്; പ്രതീക്ഷയോടെ മുന്നണികള്
26 April 2024 3:56 AM GMTസമസ്ത തൃശൂര് ജില്ലാ ജനറല് സെക്രട്ടറി പി ടി കുഞ്ഞുമുഹമ്മദ് മുസ്...
26 April 2024 3:37 AM GMTകേരളം ബൂത്തില്; ആദ്യ മണിക്കൂറുകളില് മികച്ച പോളിങ്
26 April 2024 3:23 AM GMTകിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMT