ബംഗാള്‍ പഞ്ചായത്ത് തിരഞ്ഞെടുപ്പ് ഇന്ന്

കൊല്‍ക്കത്ത: നീണ്ടുനിന്ന നിയമയുദ്ധത്തിനുശേഷം പശ്ചിമബംഗാള്‍ പഞ്ചായത്ത് തിരഞ്ഞെടുപ്പ് ഇന്നു നടക്കും. തിരഞ്ഞെടുപ്പിന് മുന്നോടിയായി കനത്ത സുരക്ഷയാണ് ഒരുക്കിയിരിക്കുന്നത്. ലോക്‌സഭാ തിരഞ്ഞെടുപ്പിന് മുന്നോടിയായി നടക്കുന്ന ഏറ്റവും അവസാനത്തെ സംസ്ഥാനതല തിരഞ്ഞെടുപ്പാണിത്. പൊതു തിരഞ്ഞെടുപ്പിന് മുമ്പായുള്ള ഒരു സന്നാഹമല്‍സരമെന്ന നിലയിലാണ് രാഷ്ട്രീയപ്പാര്‍ട്ടികള്‍ ഇതിനെ കാണുന്നത്. രാവിലെ ഏഴുമണിയോടെ ആരംഭിക്കുന്ന വോട്ടെടുപ്പ് വൈകുന്നേരം അഞ്ചു മണിക്ക് അവസാനിക്കും. മെയ് 17നാണ് വോട്ടെണ്ണല്‍.