പ്രധാനമന്ത്രിക്ക് ഭാരതത്തെക്കുറിച്ച് ഒന്നും അറിയില്ല: ഗുലാംനബി ആസാദ്

പൂച്ചാക്കല്‍: ലോക രാജ്യങ്ങളില്‍ പര്യടനം നടത്തി പഠനം നടത്തുന്ന പ്രധാനമന്ത്രിക്ക് ഭാരതത്തെകുറിച്ച് ഒന്നും അറിയില്ലെന്ന് എഐസിസി ജനറല്‍ സെക്രട്ടറി ഗുലാംനബി ആസാദ് എംപി പറഞ്ഞു. യുഡിഎഫ് അരൂര്‍ മണ്ഡലം സ്ഥാനാര്‍ഥി സി ആര്‍ ജയപ്രകാശിന്റ തിരഞ്ഞെടുപ്പു പ്രചാരണാര്‍ഥം വടുതലയില്‍ സംസാരിക്കുകയായിരുന്നു അദ്ദേഹം. ദൈവത്തിന്റ സ്വന്തം നാടായ കേരളത്തെ സോമാലിയയുമായിട്ടാണ് നരേന്ദ്ര മോദി താരതമ്യം ചെയ്തത്. വികസിത കേരളത്തെ സോമലിയയിലെ ജനങ്ങളോട് ഉപമിച്ച പ്രധാനമന്ത്രി ഭാരതത്തിന് അപമാനമാണ്. അമേരിക്കയെക്കുറിച്ചും മറ്റ് ലോകരാജ്യങ്ങളെക്കുറിച്ചും അറിയാവുന്ന നരേന്ദ്ര മോദിക്ക് ഭാരതത്തിലെ ഒരു സംസ്ഥാനത്തെക്കുറിച്ച് അറിയില്ല. നൂറ് ശതമാനം സാക്ഷരത നേടിയ നാടാണ് കേരളമെന്നും അദ്ദേഹം കൂട്ടിച്ചേര്‍ത്തു.