പൊന്മുടിയില്‍ 21 യാത്രക്കാരുമായി വാന്‍ കൊക്കയിലേക്ക് മറിഞ്ഞു

തിരുവനന്തപുരം: പൊന്മുടി നാലാം ഹെയര്‍ പിന്‍ വളവില്‍ 21 പേരുമായി സഞ്ചരിച്ച വാന്‍ കൊക്കയിലേക്ക് മറിഞ്ഞു. പൊന്മുടി സന്ദര്‍ശിച്ചു മടങ്ങുകയായിരുന്ന മരിയാപുരം സ്വദേശികള്‍ സഞ്ചരിച്ച വാനാണ് അപകടത്തില്‍പെട്ടത്. പരിക്കേറ്റവരില്‍ 20 പേരെ വിതുര താലൂക്ക് ആശുപത്രിയിലും ഒരാളെ മെഡിക്കല്‍ കോളേജ് ആശുപത്രിയിലും പ്രവേശിപ്പിച്ചു.