പാക് അധീന കശ്മീരിനും ഗില്‍ജിത് ബാള്‍ടിസ്്താനും കൂടുതല്‍ അധികാരം നല്‍കും

ഇസ്‌ലാമാബാദ്: പാക് അധീന കശ്മീരിനും ഗില്‍ജിത് ബാള്‍ടിസ്്താനും  കൂടുതല്‍ ഭരണ-സാമ്പത്തിക അധികാരങ്ങള്‍ നല്‍കാന്‍ പാക്  ഉന്നതാധികാര  സമിതി തീരുമാനം.
ദേശീയ സുരക്ഷാ സമിതി, പ്ലാനിങ് കമ്മീഷന്‍ ചെയര്‍മാന്‍, കശ്മീരിലെയും ഗില്‍ജിതിലെയും മന്ത്രാലയങ്ങളിലെ പ്രതിനിധികള്‍ എന്നിവര്‍ യോഗത്തില്‍ പങ്കെടുത്തതായി പാക് മാധ്യമങ്ങള്‍ റിപോര്‍ട്ട് ചെയ്തു. എന്നാല്‍, പദ്ധതിയുടെ വിശദവിവരങ്ങള്‍ പുറത്തുവിട്ടിട്ടില്ല.
പാക്-ചൈനാ സാമ്പത്തിക ഇടനാഴി കടന്നുപോവുന്ന പ്രദേശമായ ഗില്‍ജിത് ബാള്‍ടിസ്്താനില്‍ അഞ്ചു വര്‍ഷത്തെ നികുതി ആനുകൂല്യവും പ്രഖ്യാപിച്ചിട്ടുണ്ട്. മേഖലയിലേക്ക് കൂടുതല്‍ വിദേശ നിക്ഷേപം ആകര്‍ഷിക്കുന്നതിനു വേണ്ടിയാണിത്.
പാക് അധീന കശ്മീരുമായി അതിര്‍ത്തി പങ്കിടുന്ന ഗില്‍ജിത് ബാള്‍ടിസ്്താനെ അഞ്ചാമത്തെ പ്രവിശ്യയാക്കി മാറ്റുന്നതിന്  ഇന്ത്യ എതിരാണ്.