പണി നിര്‍ത്തിവക്കില്ലെന്ന് ഗെയില്‍

[related] കോഴിക്കോട്: മുക്കം എരഞ്ഞിമാവിലെ ഗെയില്‍ വാതക പൈപ്പ് ലൈന്‍ നിര്‍മ്മാണ പ്രവര്‍ത്തികള്‍ നിര്‍ത്തിവക്കാനാകില്ലെന്ന് അധികൃതര്‍. തങ്ങള്‍ക്ക് അത്തരമൊരു നിര്‍ദേശം ലഭിച്ചിട്ടില്ലെന്നും ഗെയില്‍ അധികൃതര്‍ വ്യക്തമാക്കി. പദ്ധതിയുടെ അലൈന്‍മെന്റ് മാറ്റാനാകില്ലെന്നും അധികൃതര്‍ പറഞ്ഞു. നിര്‍മ്മാണ പ്രവര്‍ത്തനം നിര്‍ത്തിവച്ചാലെ സര്‍ക്കാര്‍ വിളിച്ചു ചേര്‍ത്ത ചര്‍ച്ചയില്‍ പങ്കെടുക്കുകയുള്ളൂവെന്ന് സമരസമിതി കഴിഞ്ഞദിവസം വ്യക്തമാക്കിയിരുന്നു. എന്നാല്‍, നിര്‍മ്മാണ പ്രവര്‍ത്തനങ്ങള്‍ നിര്‍ത്തിവയ്ക്കാന്‍  ജില്ലാ ഭരണകൂടമോ സംസ്ഥാന സര്‍ക്കാരോ നിര്‍ദേശം നല്‍കിയിട്ടില്ലെന്നാണ് ഗെയില്‍ ഡിജിഎമ്മിന്റെ വിശദീകരണം. പ്രതിഷേധങ്ങളുണ്ടായാലും നിര്‍മ്മാണ പ്രവര്‍ത്തനവുമായി മുന്നോട്ട് പോകാനാണ് തീരുമാനം.