ദുബയ് ഓപണ്‍: സിന്ധു ഫൈനലില്‍ പൊരുതി വീണു

ദുബയ്: ദുബയ് ഓപണ്‍ ബാഡ്മിന്റണ്‍ സൂപ്പര്‍ സീരീസ് ഫൈനലില്‍ ഇന്ത്യയുടെ പി വി സിന്ധു പൊരുതിത്തോറ്റു. ജപ്പാന്റെ അകാനെ യമഗുച്ചിയോട് 21-15, 12-21, 19-21 എന്ന സ്‌കോറുകള്‍ക്കായിരുന്നു ലോക മൂന്നാം നമ്പര്‍ താരത്തിന്റെ അടിയറവ്. നേരത്തേ, ഇരുവരും മുഖാമുഖമെത്തിയ മല്‍സരത്തില്‍ 21-9, 21-13 എന്ന സ്‌കോറുകള്‍ക്ക് പരാജയപ്പെടുത്തിയതിന്റെ ആത്മവിശ്വാസത്തിലിറങ്ങിയ സിന്ധുവിനെതിരേ മികച്ച റാലികള്‍ പുറത്തെടുത്തതാണ് ജാപ്പനീസ് താരം കിരീടം സ്വന്തമാക്കിയത.് ദുബയ് ഓപണ്‍ സൂപ്പര്‍ സീരീസിന്റെ ഫൈനലില്‍ എത്തുന്ന രണ്ടാമത്തെ ഇന്ത്യന്‍ താരമാണ് സിന്ധു.