ചെങ്ങന്നൂരില്‍ ബിജെപിയുമായി സഹകരിക്കില്ലെന്ന് ബിഡിജെഎസ്

ആലപ്പുഴ: ചെങ്ങന്നൂര്‍ ഉപതിരഞ്ഞെടുപ്പില്‍ ബിജെപിയുമായി സഹകരിക്കില്ലെന്ന് ബിഡിജെഎസ്. പ്രശ്‌നങ്ങള്‍ പരിഹരിക്കുന്നതുവരെ എന്‍ഡിഎയുമായി സഹകരണമില്ലെന്ന് തുഷാര്‍ വെള്ളാപ്പള്ളി വാര്‍ത്താസമ്മേളനത്തില്‍ പറഞ്ഞു. പ്രശ്‌നങ്ങള്‍ ചര്‍ച്ചചെയ്യാന്‍ ബിജെപിയെ ഒഴിവാക്കി ഘടകകക്ഷികളുമായി യോഗം ചേരും. ബോര്‍ഡ്-കോര്‍പ്പറേഷന്‍ സ്ഥാനങ്ങള്‍ കിട്ടാതെ ബിജെപിയുമായി സഹകരിക്കില്ലെന്നും തുഷാര്‍ പറഞ്ഞു.



എംപി സ്ഥാനം വാഗ്ദാനം ചെയ്‌തെന്ന വ്യാജവാര്‍ത്ത പ്രചരിപ്പിച്ചവര്‍ക്കെതിരെ നടപടി ആവശ്യപ്പെടും.ബിജെപിയില്‍ ഉള്ളവരാണ് വ്യാജവാര്‍ത്തക്ക് പിന്നിലെന്നും ചിലര്‍ വ്യാജ വാര്‍ത്ത സൃഷ്ടിച്ച് അപമാനിക്കാന്‍ ശ്രമിക്കുകയാണെന്നും അദ്ദേഹം ആരോപിച്ചു.