ഗൗരി ലങ്കേഷ് :കൊലയാളി വാഗ്മറെയെന്ന് ഫോറന്‍സിക് റിപോര്‍ട്ട്

ബംഗളൂരു: ഗൗരി ലങ്കേഷിനെ പരശുറാം വാഗ്മറെയാണു വെടിവച്ച് കൊന്നതെന്നു ഗുജറാത്ത് ഫോറന്‍സിക് ലബോറട്ടറി ഫലം വ്യക്തമാക്കുന്നു. ഗൗരി ലങ്കേഷ് കൊലപാതകക്കേസില്‍ പ്രധാന വഴിത്തിരിവാണ് ഈ കണ്ടെത്തല്‍. മുഴുവന്‍ സംഭവങ്ങളും ആവിഷ്‌കരിച്ച വീഡിയോയും സിസിടിവി ദൃശ്യങ്ങളടങ്ങിയ വീഡിയോയുമാണു പരിശോധനയ്ക്കയച്ചത്. രണ്ട് വീഡിയോയിലെ ആള്‍ ഒരാള്‍ തന്നെയാണെന്നു പരിശോധനയില്‍ തെളിഞ്ഞു. കഴിഞ്ഞവര്‍ഷം സപ്തംബര്‍ അഞ്ചിനാണ് ഗൗരി ലങ്കേഷ് കൊല്ലപ്പെട്ടത്. കൊലപാതകവുമായി ബന്ധപ്പെട്ട് 12 പേരെ പോലിസ് ഇതുവരെ അറസ്റ്റ് ചെയ്തു.