ഗോണിക്കുപ്പയില് പുലി പശുക്കളെ കടിച്ചുകൊന്നു
BY kasim kzm13 Feb 2018 4:07 AM GMT
kasim kzm13 Feb 2018 4:07 AM GMT
വീരാജ്പേട്ട: ഗോണിക്കുപ്പക്കടുത്ത് പുലിയിറങ്ങി രണ്ട് കറവപ്പശുക്കളെ കടിച്ചുകൊന്നു. കൊന്ന പശുവില് ഒന്നിനെ പകുതിയോളം തിന്ന നിലയിലാണ്. പുലിയുടെ അക്രമത്തില് ഗുരുതര പരിക്കേറ്റ മറ്റൊരു പശുവിനെ ചാവാറായ നിലയില് കണ്ടെത്തി. കര്ഷകനായ മുരുടേശ്വരന്റെ പശുക്കളെയാണ് പുലി ആക്രമിച്ചത്. പശുക്കള് മേയുന്നതിനിടെ പുലി ആക്രമിക്കുകയായിരുന്നു. പുലിയെകണ്ട നാട്ടുകാരും ഇതോടെ ഭീതിയിലായി. വിവരമറിഞ്ഞ് സ്ഥലത്തെത്തിയ വനപാലകരെ നാട്ടുകാരും കൃഷിക്കാരും തടഞ്ഞുവച്ചു. മതിയായ നഷ്ടപരിഹാരം കിട്ടണമെന്നും പുലിയെ പിടിച്ച് സുരക്ഷ ഉറപ്പാക്കാണമെന്നും ആവശ്യപ്പെട്ടാണ് വനപാലകരെ തടഞ്ഞുവെച്ചത്. ഡിഎഫ്ഒ മരിയാ ക്രിസ്തുരാജിന്റെ നേതൃത്വത്തിലെത്തിയ ഉദ്യോഗസ്ഥ സംഘം നാട്ടുകാരുമായി നടത്തിയ ചര്ച്ചയില് 30000 രൂപ വീതം പശുക്കള് നഷ്ടപ്പെട്ടവര്ക്ക് ഉടന് നല്കുമെന്നും കൂടുതല് തുക തുടര്ന്നും അനുവദിക്കുമെന്നും അധികൃതര് ഉറപ്പ് നല്കിയ ശേഷമാണ് പ്രശ്നത്തിന് പരിഹാരമായത്. തുടര്ന്ന് പുലിയെ പിടിക്കാന് വനംവകുപ്പ് കൂടും കെണിയും സ്ഥാപിച്ചതോടെയാണ് ജനക്കൂട്ടം പ്രതിഷേധമവസാനിപ്പിച്ചത്. ജനതാദള് ജില്ലാ പ്രസിഡന്റ് സങ്കേത് പൂവയ്യ സ്ഥലം സന്ദര്ശിച്ച് പശുക്കള് നഷ്ടപ്പെട്ട കുടുംബത്തിന് പതിനായിരം രൂപ ധനസഹായം നല്കി.
Next Story
RELATED STORIES
കാണാതായ 10ാം ക്ലാസ്സ് വിദ്യാര്ഥിനിയും സുഹൃത്തായ യുവാവും തൂങ്ങി...
27 April 2024 2:47 AM GMTഅമേരിക്കയിൽ ഇലക്ട്രിക് കാർ മരത്തിലിടിച്ച് കത്തി മലയാളി കുടുംബത്തിലെ...
26 April 2024 7:59 PM GMTഎന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMT