ഗാന്ധിപുരത്ത് ശ്മശാനം നിര്മിക്കണം: മനുഷ്യാവകാശ കമ്മീഷന്
BY swapna en29 Jan 2016 6:53 AM GMT
swapna en29 Jan 2016 6:53 AM GMT
കാസര്കോട്്: വെള്ളരിക്കുണ്ട് താലൂക്കിലെ പനത്തടി വില്ലേജിലെ ഗാന്ധിപുരം മാവിലന് കോളനിയില് ശ്മശാനം നിര്മിക്കാന് നടപടി സ്വീകരിക്കണമെന്ന് മനുഷ്യാവകാശ കമ്മീഷന് അംഗം കെ മോഹന്കുമാര് നിര്ദേശിച്ചു. കാസര്കോട് ഗസ്റ്റ്ഹൗസില് നടത്തിയ സിറ്റിങില് ഗാന്ധിപുരം കോളനിയില് ഭൂരഹിതരായ ആദിവാസികള്ക്ക് മൃതദേഹങ്ങള് സംസ്കരിക്കാ ന് സൗകര്യം ഒരുക്കണമെന്ന് ആവശ്യപ്പെട്ട് നാട്ടുകാരനായ വിഷ്ണു നല്കിയ പരാതിയെതുടര്ന്നാണ് കമ്മീഷന്റെ നിര്ദേശം. ശ്മശാന നിര്മാണത്തിന് നടപടി സ്വീകരിക്കണമെന്ന് പഞ്ചായത്ത് സെക്രട്ടറിക്കും തഹസില്ദാര്ക്കും കമ്മീഷന് നിര്ദേശം നല്കി. സുരക്ഷാ മാനദണ്ഡങ്ങളില്ലാതെ യന്ത്ര ഊഞ്ഞാലുകള് പ്രവര്ത്തിപ്പിക്കുന്നതിനെതിരേ സര്ക്കാര് നടപടി സ്വീകരിക്കണം. അണ് എയ്ഡഡ് സ്കൂളിലെ അധ്യാപകരുടെ പ്രശ്നങ്ങള്ക്ക് സര്ക്കാര് പരിഹാരം കാണണം. വിദ്യാനഗര് കേന്ദ്രീയ വിദ്യാലയത്തിലെ സെക്യൂരിറ്റി ജീവനക്കാരനെ മര്ദിച്ചു എന്ന പരാതിയില് പ്രിന്സിപ്പലിനോട് കമ്മീഷന് റിപോര്ട്ട് തേടി. എന്ഡോസള്ഫാന് ദുരിതബാധിതനായ യുവാവിന്റെ കുടുംബത്തിന് ജപ്തി നോട്ടീസ് അയച്ച ജില്ലാ സഹകരണ ബാങ്ക്, കമ്മീഷനോട് ക്ഷമാപണം നടത്തി. പുതിയ നിര്ദേശങ്ങളുടെ വെളിച്ചത്തില് യുവാവിന് സഹായങ്ങള് നല്കണമെന്ന് കമ്മീഷന് ഉത്തരവിട്ടു. അവിവാഹിതയാണെന്ന കാരണത്താല് ഭൂമി നല്കിയില്ല എന്ന പരാതിയില് അജാനൂര് പഞ്ചായത്ത് സെക്രട്ടറിക്ക് കമ്മീഷന് നോട്ടീസ് അയച്ചു. അജാനൂര് മൂലക്കണ്ടം ചക്ലിയ കോളനിയിലെ രജനിയുടെ പരാതിയില് ഭൂരഹിത പുനരധിവാസ പദ്ധതിയില് ഉള്പ്പെടുത്തി ഇവര്ക്ക് ഭൂമി നല്കാന് കമ്മീഷന് ഉത്തരവിട്ടു. സിറ്റിങ്ങില് 86 പരാതികള് സ്വീകരിച്ചു. മൂന്ന് പരാതികള് ലഭിച്ചു. 17 എണ്ണം തീര്പ്പാക്കി.
Next Story
RELATED STORIES
മഹാരാഷ്ട്ര സ്വദേശിയെ അക്രമിച്ച് 1.75 കോടി രൂപയുടെ സ്വര്ണം കവര്ന്നു
4 May 2024 5:05 PM GMTകെഎസ്ആര്ടിസി ബസ് തടഞ്ഞ സംഭവം: മേയര് ആര്യക്കും സച്ചിന്ദേവിനുമെതിരെ...
4 May 2024 4:52 PM GMTമലയാളികളടക്കം ജീവനക്കാരെ സ്വതന്ത്രരാക്കിയെന്ന് ഇറാൻ; വിട്ടയക്കാതെ...
4 May 2024 10:53 AM GMTവയനാട് നെയ്ക്കുപ്പയിൽ വീട്ടിലേക്കുള്ള വഴിയിൽ നിർത്തിയിട്ട കാറും...
4 May 2024 10:50 AM GMTഅരളിപ്പൂവിൽ വിഷാംശം ഉണ്ടെന്ന് റിപ്പോർട്ട് കിട്ടിയിട്ടില്ലെന്ന് ...
4 May 2024 10:46 AM GMTരോഹിത് വെമുല കേസ് ; പുനരന്വേഷണം നടത്തും
4 May 2024 10:44 AM GMT