കെ സി ജോസഫ് ഹാജരാവാന് ഉത്തരവ്
BY Sumeera SMR10 March 2016 5:23 AM GMT
Sumeera SMR10 March 2016 5:23 AM GMT
കൊച്ചി: കോടതിയലക്ഷ്യ നടപടി നേരിടുന്ന മന്ത്രി കെ സി ജോസഫ് ഹൈക്കോടതിയില് ഇന്ന് (വ്യാഴം) നേരിട്ട് ഹാജരാവുന്നത് ഒഴിവാക്കിത്തരണമെന്ന അപേക്ഷ ഹൈക്കോടതി അനുവദിച്ചു. രാജ്യസഭാ തിരഞ്ഞെടുപ്പില് മല്സരിക്കുന്ന സ്ഥാനാര്ഥികളുടെ നാമനിര്ദേശ പത്രിക സമര്പ്പണത്തിന് തന്റെ സാനിധ്യം അത്യാവശ്യമായതിനാല് നാളെ (വെള്ളിയാഴ്ച) ഹാജരാവാമെന്ന അപേക്ഷയാണ് ജസ്റ്റിസ് തോട്ടത്തില് ബി രാധാകൃഷ്ണന്, ജസ്റ്റിസ് സുനില് തോമസ് എന്നിവരടങ്ങിയ ഡിവിഷന് ബെഞ്ച് അനുവദിച്ചത്. നാളെ 12.30ന് നേരിട്ട് ഹാജരാവാനാണ് ഉത്തരവ്. രാജ്യസഭയിലേക്ക് എ കെ ആന്റണിയും എം പി വീരേന്ദ്രകുമാറും മല്സരിക്കുന്നുണ്ട്. എ കെ ആന്റണിയുടെ പത്രിക പൂരിപ്പിക്കുന്നതടക്കമുള്ള ചുമതലയുള്ളതിനാല് ഇന്ന് ഹാജരാവാനാവില്ലെന്നാണ് മന്ത്രി കോടതിയെ അറിയിച്ചത്. ഇതിനിടെ താന് നിരുപാധികം മാപ്പപേക്ഷ നല്കിയെന്നും ഫേസ്ബുക്കില് മാര്ച്ച് നാലിന് തന്റെ അഭിപ്രായം തിരുത്തി ക്ഷമാപണം നടത്തിയെന്നും ഇത് മാധ്യമങ്ങള് പ്രസിദ്ധീകരിച്ചതായും മന്ത്രി നല്കിയ അപേക്ഷയില് പറയുന്നു. ഇതിനിടെ കോടതിയലക്ഷ്യ നിയമം ദുരുപയോഗം നടത്തുകയാണെന്നു ചൂണ്ടിക്കാട്ടി അഭിഭാഷകനായ മാത്യൂസ് ജെ നെടുമ്പാറ ഹരജിയില് കക്ഷിചേരാന് അപേക്ഷ നല്കിയെങ്കിലും കോടതി പരിഗണിച്ചില്ല.
Next Story
RELATED STORIES
മഹാരാഷ്ട്ര സ്വദേശിയെ അക്രമിച്ച് 1.75 കോടി രൂപയുടെ സ്വര്ണം കവര്ന്നു
4 May 2024 5:05 PM GMTകെഎസ്ആര്ടിസി ബസ് തടഞ്ഞ സംഭവം: മേയര് ആര്യക്കും സച്ചിന്ദേവിനുമെതിരെ...
4 May 2024 4:52 PM GMTമലയാളികളടക്കം ജീവനക്കാരെ സ്വതന്ത്രരാക്കിയെന്ന് ഇറാൻ; വിട്ടയക്കാതെ...
4 May 2024 10:53 AM GMTവയനാട് നെയ്ക്കുപ്പയിൽ വീട്ടിലേക്കുള്ള വഴിയിൽ നിർത്തിയിട്ട കാറും...
4 May 2024 10:50 AM GMTഅരളിപ്പൂവിൽ വിഷാംശം ഉണ്ടെന്ന് റിപ്പോർട്ട് കിട്ടിയിട്ടില്ലെന്ന് ...
4 May 2024 10:46 AM GMTരോഹിത് വെമുല കേസ് ; പുനരന്വേഷണം നടത്തും
4 May 2024 10:44 AM GMT