കുരിശു തകര്‍ക്കല്‍: ഗൂഢാലോചന നടന്നെങ്കില്‍ കണ്ടെത്തണം- മന്ത്രി

കോഴിക്കോട്: കുരിശു തകര്‍ത്ത സംഭവത്തില്‍ ഗുഢാലോചന ഉണ്ടെങ്കില്‍ അത് കണ്ടെത്തട്ടെയെന്ന് റവന്യൂമന്ത്രി ഇ ചന്ദ്രശേഖരന്‍. കോഴിക്കോട്ട് മാധ്യമപ്രവര്‍ത്തകരോട് സംസാരിക്കവെ, കുരിശുതകര്‍ത്ത സംഭവത്തില്‍ ഗുഢാലോചനയുണ്ടെന്ന മുഖ്യമന്ത്രിയടക്കമുള്ളവരുടെ പ്രസ്താവന ശ്രദ്ധയില്‍പ്പെടുത്തിയപ്പോഴാണ് മന്ത്രി ഇങ്ങനെ പ്രതികരിച്ചത്.  ഗുഢാലോചന കണ്ടെത്തുവാനുള്ള വകുപ്പൊന്നും തന്റെ കൈയിലില്ലെന്നും മുഖ്യമന്ത്രിയും റവന്യൂമന്ത്രിയും രണ്ടു തട്ടിലാണെന്ന നിലയ്ക്ക് നടക്കുന്ന പ്രചാരണം ശരിയല്ലെന്നും അദ്ദേഹം ചോദ്യങ്ങളോട് പ്രതികരിക്കവെ പറഞ്ഞു.