കുഞ്ഞുവയലറ്റ് സ്റ്റാറായി;ബെയ്ലിന്റെ മകളുടെ ചിത്രം വൈറലാവുന്നു
BY midhuna mi.ptk26 Jun 2016 8:44 AM GMT
X
midhuna mi.ptk26 Jun 2016 8:44 AM GMT
പാരീസ്: യൂറോ കപ്പ് പ്രീ കോര്ട്ടര് മത്സരത്തില് വടക്കന് അയര്ലന്ഡ്-വെയ്ല്സ് മത്സരത്തില് താരമായ ഗാരത് ബെയ്ലിന്റെ നേര്ക്കായിരുന്നു കാണികളുടെയും ക്യാമറയുടെയും കണ്ണുകള്. എന്നാല് മത്സരത്തിന് ശേഷം ക്യാമറക്കണ്ണുകള്ക്ക് അത്ഭുതമായത് ബെയ്ലിന്റെ മകള് മൂന്നുവയസ്സുകാരി ആല്ബ വയലറ്റ് ആയിരുന്നു. ചുവന്ന ചിത്രശലഭത്തെപ്പോലെ പുല്മൈതാനത്തേയ്ക്ക് ഇറങ്ങി വന്ന് അച്ഛന് ചുറ്റും പാറി നടന്ന വയലറ്റ് ക്യാമറ കണ്ണുകള്ക്ക് വിരുന്നായി.
ലോകത്തിലെ പ്രധാന ടൂര്ണമെന്റെന്നതോ ബെയ്ലിന്റെ സ്റ്റാര്ഡമോ ഒന്നും അവള്ക്ക് ഒരു പ്രശ്നമല്ല. അച്ഛന് തര്ത്ത് കളിച്ച മൈതാനത്തുകൂടെ അവളും ഓടി. കുഞ്ഞിക്കാലുകളുമായി കുഞ്ഞു വയലറ്റ് ഓടിയത് കണ്ണ്മറയ്ക്കാതെ നോക്കിനിന്നുപോകുന്ന കാഴ്ചായായിരുന്നു.
അച്ഛനുമൊത്ത് മൈതാനത്ത് മിനുറ്റുകളോളം കളിച്ച ശേഷമാണ് വയലറ്റ് തിരിച്ചുകയറിയത്. വയലറ്റിനെ കയ്യിലെടുത്ത് മൈതാന മധ്യത്തിലൂടെ കടന്നുപോയ ബെയ്ല് ആരാധകരുടെ മനം കവര്ന്നു. അത് ഒരുപക്ഷേ മത്സരത്തിലെ ബെയ്ലിന്റെ പ്രകടനത്തേക്കാളും ഹൃദയസ്പര്ശിയായിരുന്നു എന്ന് വേണം പറയാന്. വെയ്ല്സിനെ ക്വാര്ട്ടര് കടത്തിയ ഗോളിന് വഴിയൊരുക്കിയത് ബെയ്ല് ആയിരുന്നു. അതോടെ ചരിത്രത്തിലാദ്യമായി വെയ്ല്സ് ക്വാര്ട്ടറിലേയ്ക്ക് കടന്നു.
Next Story
RELATED STORIES
എന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT