കാക്കിക്കുള്ളിലെ കര്ഷകരായി പത്തനാപുരം പോലിസ്
BY Sumeera SMR11 March 2016 6:13 AM GMT
Sumeera SMR11 March 2016 6:13 AM GMT
പത്തനാപുരം: കാക്കിക്കുളളിലും കര്ഷകനുണ്ടെന്ന് തെളിയിച്ച് പരാതിക്കും പരിഭവങ്ങള്ക്കും കേസുകള്ക്കും ഇടവേളക്കിടെ പച്ചക്കറികൃഷിയുമായി പത്തനാപുരം പോലിസ്. പത്തനാപുരം പഞ്ചായത്തും കൃഷിഭവനും സഹായങ്ങളുമായി ഒപ്പമുണ്ട്. സ്റ്റേഷന് വളപ്പില് കാടുകയറിക്കിടന്ന ഒരേക്കറോളം ഭൂമിയിലെ തുരുമ്പിച്ച വാഹനങ്ങളും കാടും നീക്കി കൃഷിക്കായി ഒരുക്കിയെടുത്ത് ഇവിടെ വേലിയും നിര്മിച്ചു. ചീര, പടവലം, പാവല്, വെണ്ട, പച്ചമുളക്, കോളിഫ്ലവര്, കാബേജ്, വെളളരിയടക്കമുളള പച്ചക്കറികളും പയര് വര്ഗങ്ങളുമാണ് കൂടുതലും ഇവിടെ വിളയിക്കുക. തൊഴിലുറപ്പ് തൊഴിലാളികളുടെ സേവനവും പ്രയോജനപ്പെടുത്തുവാനാണ് തീരുമാനം. ഒരുലക്ഷത്തി അറുപതിനായിരം രൂപയാണ് പദ്ധതിക്കായി വിനിയോഗിക്കുക. കൃഷിഭവനാണ് പദ്ധതിയുടെ പൂര്ണ്ണ ചുമതല. ഇതിന്റെ പ്രാരംഭ നടപടികളായതോടെ പോലിസ് കൃഷി പദ്ധതി കെ ബി ഗണേശ്കുമാര് എംഎല്എ ഉദ്ഘാടനം ചെയ്തു. പഞ്ചായത്ത് പ്രസിഡന്റ് എച്ച് നജീബ് മുഹമ്മദ് അധ്യക്ഷത വഹിച്ചു. ജില്ലാ പഞ്ചായത്തംഗം അഡ്വ. എസ് വേണുഗോപാല്, പത്തനാപുരം സിഐ സ്റ്റുവര്ട്ട് കീലര്, എസ് ഐ രാഹുല് രവീന്ദ്രന്, കൃഷി ഓഫിസര് എ ജെ സുനില്, അസിസ്റ്റന്റ് കൃഷി ഓഫിസര്മാരായ വിവിമനോജ്, പി ആര് രാജീവ് എന്നിവര് സംസാരിച്ചു.
Next Story
RELATED STORIES
എന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT