എഫ്‌സി ഗോവയ്ക്ക് പുതിയ പരിശീലകന്‍

പനാജി: ഇന്ത്യന്‍ സൂപ്പര്‍ ലീഗ് ക്ലബ്ബായ എഫ്‌സി ഗോവ പുതിയ പരിശീലകനെ നിയമിച്ചു. മുന്‍ സ്പാനിഷ് താരമായ സെര്‍ജിയോ ലോബെറയാണ് മുഖ്യപരിശീലകനായി സ്ഥാനമേറ്റത്. ബ്രസീലിയന്‍ ഇതിഹാസം സിക്കോയ്ക്ക് പകരക്കാരനായി രണ്ടുവര്‍ഷത്തെ കരാറിലാണ് ലോബെറ ഗോവന്‍ ക്ലബ്ബിലെത്തിയത്. മൊറോക്കന്‍ ക്ലബ്ബായ മോഗ്‌രെബ് തെത്തോന്റെ കോച്ചായി സ്ഥാനം വഹിക്കുകയായിരുന്നു നാല്‍പതുകാരനായ ലോബെറ. എഫ്‌സി ഗോവയ്ക്ക് ഒപ്പം ചേരുന്നത് കരിയറിലെ പ്രധാന വഴിത്തിരിവാണെന്നും ക്ലബ്ബിനെ ഉയരങ്ങളില്‍ എത്തിക്കാനാവുമെന്നും ലോബെറ പ്രതികരിച്ചു. 2012ല്‍ സ്പാനിഷ് വമ്പന്മാരായ ബാഴ്‌സലോണയുടെ അസിസ്റ്റന്റ് പരിശീലകനായി സെര്‍ജിയോ ലോബെറ.