ആസിഡ് ബിജുവിന്റെ മൂന്ന് സഹായികള് അറസ്റ്റില്
BY fousiya sidheek11 May 2017 6:28 AM GMT
fousiya sidheek11 May 2017 6:28 AM GMT
പെരിന്തല്മണ്ണ: കവര്ച്ചാക്കേസില് അറസ്റ്റിലായ ആസിഡ് ബിജുവുമായി പോലിസ് തെളിവെടുപ്പ് നടത്തി. മോഷണ മുതലുകളായ 118 പവന് സ്വര്ണാഭരണങ്ങളും രണ്ടു ലക്ഷത്തിന്റെ സൗദി റിയാലും വിലപിടിപ്പുള്ള റാഡോ വാച്ചുകളും കണ്ടെടുത്തു. കവര്ച്ചാ വസ്തുക്കള് വില്പന നടത്താന് സഹായിച്ച സംഘത്തിലെ മൂന്നുപേരെ കൂടി അറസ്റ്റ് ചെയ്തു. പരപ്പനങ്ങാടി ചെട്ടിപ്പടി ചെമ്മല അബ്ദുല് റഷീദ് (45), ഇടുക്കി പേപ്പാറ കുന്നുംപുറത്ത് സുനില് (45), മുവ്വാറ്റുപുഴ പുതുപ്പാടി പട്ടലായില് ജമീലാ അഷ്റഫ് (47) എന്നിവരെയാണു പെരിന്തല്മണ്ണ പ്രത്യേകഅന്വേഷണ സംഘം അറസ്റ്റ് ചെയ്തത്. ആസിഡ് ബിജുവിനെ പെരിന്തല്മണ്ണ സിഐ ഷാജു കെ എ ബ്രഹാമിന്റെയും കൊളത്തൂര് എസ്ഐ പി വിഷ്ണുവിന്റെയും നേതൃത്വത്തിലുള്ള ഷാഡോ പോലിസ് സംഘം പെരിന്തല്മണ്ണ കോടതിയില്നിന്ന് കസ്റ്റഡിയിലെടുത്താണ് തെളിവെടുപ്പ് നടത്തിയത്. കഴിഞ്ഞ 28ന് കൊളത്തൂര് കുറുപ്പത്താലില് നിന്ന് അറസ്റ്റിലായ ബിജുവിനെ ചോദ്യം ചെയ്തതില് നിന്നു വിവിധ ജില്ലകളില് നിന്നുള്ള 25 ഓളം കേസുകള്ക്ക് തുമ്പായിരുന്നു. അറസ്റ്റിലായ സഹായികളെ പെരിന്തല്മണ്ണ കോടതിയില് ഹാജരാക്കി റിമാന്ഡ് ചെയ്തു.
Next Story
RELATED STORIES
അമേരിക്കയിൽ ഇലക്ട്രിക് കാർ മരത്തിലിടിച്ച് കത്തി മലയാളി കുടുംബത്തിലെ...
26 April 2024 7:59 PM GMTഎന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMT