അയ്യല്ലൂര് വധശ്രമം: രണ്ട് ആര്എസ്എസ് പ്രവര്ത്തകര് അറസ്റ്റില്
BY kasim kzm31 Dec 2017 3:26 AM GMT
kasim kzm31 Dec 2017 3:26 AM GMT
മട്ടന്നൂര്: അയ്യല്ലൂരില് സിപിഎം പ്രവര്ത്തകനായ ഡോക്ടര് ഉള്പ്പെടെ രണ്ടു പേര്ക്ക് വെട്ടേറ്റ കേസില് രണ്ടു ആര്എസ്എസ് പ്രവര്ത്തകര് അറസ്റ്റില്. അയ്യല്ലൂര് പീടികക്കണ്ടി വീട്ടില് സായൂജ് (24), നടുവനാട് കൊട്ടൂര്ഞാല് വാഴയില് ഹൗസില് വി സുധീഷ് (38) എന്നിവരെയാണ് മട്ടന്നൂര് പോലിസ് അറസ്റ്റ് ചെയ്തത്. സംഭവത്തിനു ശേഷം ഒളിവല്പോയ സായൂജിനെ ശിവപുരം കരൂഞ്ഞിയില്നിന്നും സുധീഷിനെ ചാവശ്ശേരി പത്തൊമ്പതാം മൈലില്നിന്നുമാണ് കസ്റ്റഡിയിലെടുത്തത്. മട്ടന്നൂര് നഗരസഭ മുന് ചെയര്മാനും സിപിഎം മുന് ഏരിയാ കമ്മിറ്റി അംഗവുമായ ചന്ദ്രന് മാസ്റ്ററുടെ മകന് ചാവശ്ശേരി വളോരയിലെ ഗവ. ഹോമിയോ ക്ലിനിക്കിലെ ഡോക്ടര് കെ ടി സുധീര് കുമാര് (50), പാര്ട്ടി അനുഭാവിയും അയ്യല്ലൂര് പ്രദേശം ഉള്പ്പെടുന്ന വാര്ഡിന്റെ കൗണ്സിലര് ശ്രീജയുടെ സഹോദരന് കെ ശ്രീജിത്ത് (42) എന്നിവര്ക്കാണു വെട്ടേറ്റത്. ഇവര് കോഴിക്കോട്ടെ സ്വകാര്യ ആശുപത്രിയില് ചികില്സയിലാണ്. ഒമ്പത് ആര്എസ്എസ് പ്രവര്ത്തകര്ക്കെതിരേ വധശ്രമത്തിനാണ് കേസെടുത്തിട്ടുള്ളത്. മുഴുവന് പ്രതികളെക്കുറിച്ചും പോലിസിന് വിവരം ലഭിച്ചതായും ഇവരെ ഉടന് പിടികൂടുമെന്നും പോലിസ് വ്യക്തമാക്കി.
Next Story
RELATED STORIES
എന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT