അതിര്‍ത്തിജനത ചൈനയിലേക്ക് കുടിയേറുന്നത് രാജ്യത്തിന് ഭീഷണി

ജോഷിമത് (ഉത്തരാഖണ്ഡ്): ചൈനീസ് അതിര്‍ത്തിയോടു ചേര്‍ന്നുള്ള ഗ്രാമങ്ങളില്‍ ജീവിക്കുന്ന ഇന്ത്യക്കാര്‍ രാജ്യത്തിന്റെ വിലമതിക്കാനാവാത്ത ആസ്തിയാണെന്നും രാജ്യസുരക്ഷ അപകടത്തിലാവുമെന്നതിനാല്‍ ഇവിടത്തുകാര്‍ ചൈനയിലേക്കു കുടിയേറുന്നില്ലെന്ന് ഉറപ്പു വരുത്തണമെന്നും കേന്ദ്ര ആഭ്യന്തരമന്ത്രി രാജ്‌നാഥ് സിങ്. ജോഷിമതിലെ അതിര്‍ത്തിയില്‍ സേവനമനുഷ്ഠിക്കുന്ന ഇന്തോ-തിബത്തന്‍ ബോര്‍ഡര്‍ പോലിസ് (ഐടിബിപി) ഫസ്റ്റ് ബറ്റാലിയന്‍ ക്യാംപില്‍ സേനാംഗങ്ങളെ അഭിസംബോധന ചെയ്യുകയായിരുന്നു അദ്ദേഹം. ഇത്തരം മലമ്പ്രദേശങ്ങളില്‍ ജീവിക്കുന്നവരില്‍ സര്‍ക്കാരിനു പൂര്‍ണ വിശ്വാസമുണ്ട്. അതിര്‍ത്തിയിലെ ജനങ്ങള്‍ക്ക് പരമാവധി പ്രാധാന്യം നല്‍കണമെന്നും അദ്ദേഹം ആവശ്യപ്പെട്ടു. ചതുര്‍ദിന സന്ദര്‍ശനത്തിനായി ഉത്തരാഖണ്ഡിലെത്തിയതായിരുന്നു അദ്ദേഹം.